Lavarow Koth Solomon

1Lavarow koth Solomon.

Mab fur a wra tas lowen,

mes mab foll yw keudh dh'y vamm.

2Tresoryow kevys gans droktra ny dhegons les,

mes ewnder a dhelirv a ankow.

3Ny as an Arloedh an den gwiryon dhe vos nownek,

mes ev a lest ewl an tebelwas.

4Leuv lows a wra boghosogneth,

mes leuv an re dhiwysyk a wra rychys.

5Mab hag a guntell yn hav yw fur,

mes mab hag a gosk yn prys an drevas a dhre mewl.

6Yma bennathow war benn an den gwiryon,

mes ganow an debeles a gudh freudh.

7Kovadh an den gwiryon yw bennath,

mes hanow an debeles a boder.

8An den fur y golonn a dhegemmer gorhemmynnow,

mes den foll ow klappya a dheu dhe dhiswrians.

9Neb a gerdh yn tivlam a gerdh yn sawder,

mes neb a siw hynsyow kamm a vydh diskudhys.

10Neb a wynk gans an lagas a wra trobel,

mes neb a geredh yn fen a wra kres.

11Ganow an den gwiryon yw fenten a vewnans,

mes ganow an debeles a gudh freudh.

12Kas a dhifun strif,

mes kerensa a gudh pub kammweythres.

13Yma furneth kevys war dhiwweus neb a'n jeves konvedhes,

mes yma gwelenn rag keyn neb na'n jeves skentoleth.

14Tus fur a gudh godhvos,

mes klapp den foll a dhre diswrians yn ogas.

15Pyth den rych yw y sita grev,

boghosogneth an voghosogyon yw aga diswrians.

16Gober an den gwiryon a hembronk dhe vewnans,

gwayn an tebelwas a hembronk dhe begh.

17Neb a with dyskans, yma ev y'n hyns dhe vewnans,

mes neb a nagh dyskybleth a hembronk yn sowdhan.

18Neb a gudh kas a'n jeves diwweus a wowegneth,

ha neb a lever sklander yw foll.

19Pan vo geryow pals, ny fyll kammweythres,

mes neb a fronn y dhiwweus yw doeth.

20Lagas an den gwiryon yw arghans prevys,

kolonn an debeles, ny dal mann.

21Dhiwweus an den gwiryon a vag lies,

mes fellyon a verow rag fowt skians.

22Bennath an Arloedh a wra den rych,

ha ny geworr tristans gans henna.

23Gwruthyl tra vethus yw avel gwari dhe'n den foll,

mes fara fur yw plesour dhe wour a gonvedhes.

24An pyth may perth an tebelwas own anodho a dheu warnodho,

mes hwans an re wiryon a vydh grontyes.

25Pan dremen an annawel nyns usi an tebelwas na fella,

mes an den gwiryon yw fondys bys vykken.

26Avel aysel dhe'n dyns ha mog dhe'n dewlagas,

yndella yw an den diek dhe'n re a'n dannvon.

27Own an Arloedh a hirha bewnans,

mes blydhynyow an debeles a vydh berr.

28Govenek an re wiryon a dhiwedh yn lowender,

mes govenek an debeles a dhe goll.

29Fordh an Arloedh yw dinas krev dhe'n den divlam,

mes distruyans dhe'n dhrogoberoryon.

30Ny vydh an den gwiryon nevra removyes,

mes ny drig an debeles y'n vro.

31Ganow an den gwiryon a dheg furneth,

mes an taves gorth a vydh treghys dhe-ves.

32Diwweus an den gwiryon a woer an pyth yw plegadow,

mes ganow an debeles a woer an pyth yw gorth.