1Hanow mas yw gwell ages pythow meur,

ha favour da ages arghans po owr.

2Yma unn dra kevrennys keffrys gans an den rych ha'n den boghosek:

an Arloedh yw Gwrier aga dew.

3An den doeth a wel peryll hag omgudh,

mes an re sempel a yn-rag hag a be an pris.

4An pewas rag uvelder hag own an Arloedh

yw rychys hag enor ha bewnans.

5Yma dreyn hag antylli yn fordh an den treus;

neb a omwith a sev pell dhiworta.

6Dysk maw y'n fordh ewn,

ha pan vo koth ny wander dhiworti.

7An den galloesek a rewl an re voghosek,

hag ev neb a gyv kendon yw keth dhe'n gour a'n re.

8Neb a has kammhynseth a vys terroes,

ha gwelenn y sorr a fyll.

9Neb yw hel a vydh benniges

rag ev a re a'y vara dhe'n boghosek.

10Herdh an skornyer dhe-ves, hag yth a strif yn-mes;

kedrynna ha despit a hedh.

11Neb a gar kolonn bur, hag a gews gans gras,

a'n jevydh an myghtern avel y goweth.

12Dewlagas an Arloedh a with war wodhvos,

mes ev a dhomhwel geryow an re dhislen.

13An den diek a lever, ‘Yma lew yn-mes;

my a vydh ledhys y'n stretow.’

14Ganow avoutres yw pytt down,

neb mayth yw an Arloedh serrys orto a goedh ynno.

15Follneth yw kelmys yn kolonn maw,

mes gwelenn dyskybleth a's herdh pell dhiworto.

16Neb a arwask an boghosek dhe ynkressya y rychys,

ha neb a re dhe'n den rych, a dheu dhe esow.

Lavarow an Re Fur

17Pleg dha skovarn ha klew lavarow an re fur,

ha treyl dha golonn dhe'm dyskans;

18rag teg vydh mara's gwithydh a-berth ynnos,

mars yns parys war dha dhiwweus.

19Rag may fo dha drest y'n Arloedh,

my re's diskwedhas dhis hedhyw – dhiso jy dha honan.

20A ny skrifis ragos deg lavar warn ugens

a gusul ha godhvos,

21rag gul dhis godhvos gwirder ha lavarow a lender,

rag may rylli gwir worthybow dhe'n re a'th tannvonas?

22Na lader dhiworth an boghosek rag y vos boghosek;

na vrew an edhommek orth an yet.

23Rag an Arloedh a bled aga hen,

ha pylla bewnans aga fylloryon.

24Na vydh kothman dhe dhen a sorr,

ha na goweth gans gour tesek,

25ma na dhyski y fordhow

ha kavoes antell rag dhe enev.

26Na vydh onan a'n re a dak dorn rag goestel,

neb a ha bos mewghyoryon rag kendonow.

27Mar ny'th eus an pygans,

prag y telledh dha weli dhe vos kemmerys a-dhannos?

28Na dhasle an orven koth

hag a veu settys gans dha dasow.

29A welydh an gour skentel yn y ober?

Ev a sev a-rag myghternedh;

ny sev a-rag tus kemmyn.