1Avel ergh yn hav ha glaw yn trevas,

yndella nyns yw enor gwiw rag foll.

2Avel golvan ow ternija, avel gwennel ow nija,

ny dheu molleth heb kaws dhe bowes.

3Hwypp rag margh, fronn rag asen,

ha gwelenn rag keyn fellyon.

4Na worthyp dhe foll herwydh y follneth,

poken ty ynwedh a vydh foll.

5Gorthyp dhe foll herwydh y follneth,

po ev a fydh fur yn y dewlagas y honan.

6Avel treghi an dhewdroes po eva freudh

yw dannvon messaj dre leuv foll.

7Diwarr den evredhek a greg yn lows:

yndella yw lavar koth yn ganow fellyon.

8Avel neb a gelm men yn towlbrenn

yw ri enor dhe foll.

9Avel spern yn dorn penn-medhow,

yndella yw lavar koth yn ganow foll.

10Avel sether neb a woli pub huni

yw neb a arveth foll po penn-medhow usi tremena.

11Avel ki hag a dhehwel dh'y hwyj,

yw foll neb a dhehwel dh'y follneth.

12A welydh gour neb yw fur yn y dhewlagas y honan?

Yma moy govenek rag foll ages dell eus ragdho.

13An den diek a lever, ‘Yma lew y'n fordh!

Yma lew y'n stretow!’

14Par dell dreyl daras war y vedyneryow,

yndella y treyl den diek war y weli.

15An den diek a dhrogh y leuv y'n skudell,

ha re skwith yw dh'y dri arta dh'y anow.

16An den diek yw furra yn y dhewlagas y honan

ages seyth den a worthyp gans doethter.

17Kepar ha den a dhalghenn ki gwyls er an dhiwskovarn

yw tremenyas a vell yn kedrynn den arall.

18Avel muskok a dewl yttewi,

sethow, ha mernans,

19yndella yw neb a doell y gentrevek

hag a lever, ‘Nyns esov marnas ow kul ges!’

20Rag fowt keunys, tan a verow,

ha le ma nag eus kyhwedhler, strif a hedh.

21Avel glowbrenn dhe regydh, ha prenn dhe dan,

yndella yw gour kavyllek dhe enowi strif.

22Geryow hwystrer yw haval dhe demmigow sawrek;

i a yn-nans dhe rannow a-bervedh an korf.

23Avel gwedrans ow kenna seth a bri

yw gweusyow ter ha tebel golonn.

24Den spitus a dholos gans y dhiwweus

yn kettermyn ow kwitha toell a-berth ynno.

25Pan gews yn kuv, na grys dhodho,

rag yma seyth tra gasadow yn y golonn.

26Kynth yw y gas kudhys gans gil,

y dhroktra a vydh diskudhys y'n kuntelles.

27Neb a bal pytt a goedh ynno,

ha mar rol men, ev a rol war-dhelergh warnodho.

28Taves gowek a gas an re a wra aga arvedh,

ha ganow fekyl a dhre terroes.