Salm a rasyans.

1Gwrewgh tros heudhik dhe'n Arloedh, oll an nor.

2Servyewgh an Arloedh gans lowena;

dewgh a-dheragdho gans kan.

3Godhvydhewgh an Arloedh dhe vos Duw;

ev yw neb re'gan formyas, hag ev a'gan pew;

yth on ni y bobel, ha deves y beurva.

4Ewgh yn y borthow gans grasyans,

hag yn y glosyow gans gormola.

Godhvydhewgh gras dhodho, ha bennigewgh y hanow.

5Rag da yw an Arloedh;

y dregeredh a dhur bys vykken,

ha'y lelder a dhur a unn henedh dhe'n nessa.