Kan. Salm a Davydh.

1Fast yw ow holonn, A Dhuw;

my a gan hag a wormel

ynwedh y'm gordhyans.108:1 War-lergh an Septuagint Parys yw ow holonn, A Dhuw, parys yw ow holonn; my a gan hag a wormel y'm glori.

2Difun, ty delynn, ha'n sowtri;

my a vynn difuna orth dydh-tardh.

3My a'th wormel, A Arloedh, yn mysk an poblow,

ha kana gormola dhis yn mysk an kenedhlow.

4Rag dha dregeredh yw meur a-ugh an nevow,

ha'th wiryonedh a dhrehedh dhe'n kommol.

5Bydh ughelhes, A Dhuw, a-ugh an nevow,

ha bedhes dha wolewder dres oll an norvys.

6Rag may fo dha garadowyon delivrys,

gwra agan selwel dre dha leuv dhyghow, ha klew vy.

7Duw re gewsis yn y sansoleth:

‘My a lowenha, ha ranna Shekem,

ha musura nans Sukkoth.

8Gilead yw dhymm; Manasse yw dhymm,

hag Efraym yw nerth ow fenn.

Yuda yw ow gwelenn.

9Moab yw ow seth-golghi;

dres Edom y teghesav ow eskis,

war Filistia my a arm yn trygh.’

10Piw a'm dre a-berth y'n dinas krev?

Piw a'm hembronk bys yn Edom?

11A ny'gan skonsys, A Dhuw?

Nyns edh yn-mes gans agan luyow.

12Ro dhyn gweres erbynn an eskar,

rag euver yw gweres den.

13Dre Dhuw y hwren ni oberi yn kolonnek;

ev yth yw neb a drett agan eskerens yn-dann y dreys.