Salm a Davydh.

1An Arloedh a leveris dhe'm Arloedh,

‘Esedh orth ow leuv dhyghow,

erna wrylliv dha eskerens dha skavell-droes.’

2An Arloedh a dhyllo gwelenn dha nerth

yn-mes a Sion.

Rewl ty yn mysk dha eskerens.

3Yma genes mestrynses110:3 Yma genes mestrynses: Ow siwya an Septuagint. Ebrow Dha bobel a vydh offrynnow bolonjedhek.

yn dydh dha nerth,

yn splannderyow sansoleth.

Dhiworth brys an bora

y fydh genes gluth dha yowynkneth.

4An Arloedh re dos, ha ny dhenagh,

‘Ty yw oferyas bynitha war-lergh ordyr Melkisedek.’

5An Arloedh orth dha leuv dhyghow

a vrew myghternedh yn dydh y sorr.

6Ev a vreus yn mysk an kenedhlow;

ev a's lenow a gorfow marow,

ha brewi kregyn

yn lies bro.

7Eva a wra mes a'n gover ryb an fordh;

rakhenna ev a dhrehav y benn.