1Gormelewgh an Arloedh.

Gormelewgh an Arloedh, hwi wesyon an Arloedh,

gormelewgh hanow an Arloedh.

2Benniges re bo hanow an Arloedh

alemma rag ha bys vykken.

3Dhiworth an howldrevel bys y'n howlsedhes

gormelys yw hanow an Arloedh.

4Ughel a-ugh oll an kenedhlow yma an Arloedh,

hag yma y wolewder a-ugh an nevow.

5Piw yw kepar ha'n Arloedh agan Duw,

neb a'n jeves y drigva a-vann,

6neb a vir pell yn-nans

dhe weles nev ha nor?

7Ev a gemmer an den gwann yn-mes a'n doust,

ha drehevel an boghosek yn-mes a'n lusuek;

8Rag ma'n gorro gans pennsevigyon,

gans pennsevigyon y bobel ev.

9Ev a wra dhe'n wreg anvap synsi chi,

ha bos mamm lowen a fleghes.

Gormelewgh an Arloedh.