Salm gradhow.

1Y'm anken my a armas war an Arloedh,

hag ev a worthybis dhymm.

2Delirv ow enev, A Arloedh,

dhiworth gweusyow gowek,

ha dhiworth fals taves.

3Pandr'a vydh res dhis?

Ha pandr'a vydh gwrys dhis,

ty fals taves?

4Sethow lymm an breselyas,

gans kolennow bew a'n banadhel.

5Go-vy, ow bos trigys avel alyon yn Meshek,

ow bos owth annedhi tyldow Kedar.

6Seuladhydh ow enev re drigas

yn mysk an re a gas kres.

7My a lavur rag kres;

mes pan gowsav,

i a ombareus rag bresel.