Salm gradhow.

1My a dhrehav ow dewlagas dhe'n menydhyow;

a-ble teu ow gweres?

2Ow gweres a dheu a-dhiworth an Arloedh,

neb a formyas nev ha nor.

3Ny as ev dha droes dhe drebuchya;

ny gosk neb a wra dha witha.

4Otta, gwithyas Ysrael,

ny gosk ev na powes.

5An Arloedh yw dha withyas;

an Arloedh yw dha skeus orth dha leuv dhyghow.

6Ny'th wysk an howl dydhweyth,

na'n loer yn termyn nos.

7An Arloedh a'th with rag pub dregynn;

ev yw neb a with dha enev.

8An Arloedh a'th with

ow mos dhe-ves hag ow tos a-ji

alemma rag ha bys vykken.