Salm gradhow.

1Dhiso jy y trehavav ow dewlagas,

ty neb yw esedhys war dha dron y'n nevow.

2Otta, kepar dell vir dewlagas servysi

orth leuv aga mestrysi,

ha dewlagas maghteth

orth leuv hy mestres,

yn kettella agan dewlagas ni a vir orth an Arloedh,

erna gemmerro truedh ahanan.

3Kemmer truedh ahanan, A Arloedh, kemmer truedh ahanan,

rag ni re beu lenwys yn tien a dhespit.

4Agan enev yw lenwys yn tien

a skorn an re yw attes,

hag a dhespit an re woethus.