Salm gradhow. A Davydh.

1Na ve an Arloedh genen ni,

gwres Ysrael leverel;

2na ve an Arloedh genen ni,

pan sevis tus er agan pynn;

3Ena i a'gan kollonksa yn few,

pan loskas aga sorr orthyn.

4Ena an dowrow a livsa dreson,

ha galsa an fros dres agan enev.

5Ena y tremensa dres agan enev

an dowrow tonnek.

6Benniges re bo an Arloedh,

na'gan ros ni

yn preydh dh'aga dyns.

7Agan enev re dhienkas avel edhen

yn-mes a vaglenn an ydhnydhyon;

an vaglenn yw terrys,

ha ni re dhienkas.

8Yma agan gweres yn hanow an Arloedh,

a formyas nev ha nor.