Salm gradhow.

1Pan dreylyas an Arloedh kethneth Sion,

yth en ni kepar ha'n re owth hunrosa.

2Ena lenwys veu agan ganow a hwarth,

ha'gan taves a lowena.

Ena y lavarsons yn mysk an kenedhlow,

‘An Arloedh re wrug taklow meur rag an re ma.’

3Yn hwir, an Arloedh re wrug dhyn taklow meur;

lowen en ni.

4Treyl, A Arloedh, agan kethneth

kepar ha goverow yn difeyth an dyghow.

5Seul a wonis has yn dagrow

a vydh ow mysi yn lowena.

6Neb eus ow mos yn unn oela,

ow toen y sagh a has,

a dheu arta gans garmow a lowena,

ow tri ganso y vanalow.