Salm gradhow.

1Gwynn y vys seul a berth own a'n Arloedh,

seul a gerdh yn y fordhow.

2Rag ty a dheber frut dha lavur;

gwynn dha vys, ha seweni ty a wra.

3Dha wreg a vydh kepar ha gwinbrenn leun a frut

a-bervedh yn dha chi;

ha'th fleghes kepar hag eginyow olewbrenn

oll a-dro dhe'th voes.

4Otta, yndella y fydh benniges an gour

neb a berth own a'n Arloedh.

5An Arloedh a'th vennik yn-mes a Sion,

ha ty a wel sewenyans Yerusalem

dres oll dydhyow dha vewnans.

6Ha ty a wel an fleghes a'th fleghes jy;

kres war Ysrael.