Salm gradhow.

1Yn-mes a'n downderyow y helwis vy warnas, A Arloedh.

2Arloedh, klew ow lev.

Gwres dha dhiwskovarn attendya yn kluw

orth lev ow govynnadow.

3Mar kwredh vri a gammweythresow, Arloedh,

A Arloedh, piw a yll sevel?

4Mes yma gevyans genes jy,

ytho ty yw ownys.

5My a worta an Arloedh; ow enev a'n gorta,

hag yn y er ev y trestyav;

6ow enev a worta an Arloedh

moy es dell worta an woelyadoryon an bora,

devri moy es goelyadoryon an bora.

7Gwres Ysrael trestya y'n Arloedh,

rag gans an Arloedh yma tregeredh,

ha ganso yma daspren hel.

8Hag ev a dhaspren Ysrael

dhiworth oll y gammweythresow.