Maskil a Davydh, pan esa y'n mogow.

1My a gri war an Arloedh gans ow lev,

gans ow lev devri y hwrav ow govynnadow dhe'n Arloedh.

2My a dhyllo ow krodhvol a-dheragdho,

my a dhiskwa a-dheragdho ow anken.

3Pan glamderas ow spyrys a-bervedh ynnov

ty a aswonnis ow hyns.

Y'n fordh may kerdhyn

i re gudhas maglenn er ow fynn.

4Mir orth ow leuv dhyghow ha gwel,

rag nyns eus denvyth a'm aswonno;

skovva a fyllis dhymm,

nyns eus neb a wittho ow enev.

5My a armas warnas, A Arloedh;

yn-medhav, ‘Ty yw ow skovva,

ow rann yn tir an re vew.’

6Goslow dhe'm garm;

rag yth ov vy dres pur isel.

Gwra ow delivra dhiworth ow helghysi,

rag kreffa yns i agesov.

7Doroy ow enev yn-mes a brison,

may hwormelliv dha hanow.

An re wiryon a omguntell a-dro dhymm,

rag ty a vydh da orthiv.