Dhe vester an keur. Salm a Davydh.

1An Arloedh re worthyppo dhis yn dydh anken!

Hanow Duw Yakob re'th wittho.

2Re dhannvonno ev gweres dhis dhiworth an sentri,

ha'th krevhe jy dhiworth Sion!

3Re bortho kov a'th offrynnow oll,

ha degemmeres dha offrynnow leskys! Sela.

4Re wrontyo dhis hwans dha golonn,

ha kowlwul oll dha gusul.

5Kriyn yn lowen y'th selwyans,

hag yn hanow an Arloedh agan Duw ni a dhrehav agan baneryow.

Re gowlwrello an Arloedh oll dha wovynnadow.

6Lemmyn my a woer an Arloedh dhe selwel y Untys;

ev a worthyp dhodho dhiworth nevow y sansoleth

y'n nerth a selwyans y leuv dhyghow.

7Re a drest yn charettow ha re yn mergh;

mes ni a berth kov a hanow an Arloedh agan Duw.

8Plegys yns dhe'n dor, ha koedhys;

mes ni a omdhrehav, ha sevel a'gan sav.

9A Arloedh, salw an Myghtern;

ha gorthyp dhyn y'n jydh may helwyn.