1Breus vy, A Dhuw, ha pled ow hen

erbynn kenedhel ansans;

gwra ow delivra

dhiworth an falswas ha'n sherewa.

2Rag ty yw Duw ow skovva,

prag re'm skonsys?

Prag yth av vy ow kyni

drefenn arwask an eskar?

3Dannvon dha wolow ha'th wirder,

rag ma'm hembronkons,

ha'm doen dhe'th venydh sans

ha dhe'th tabernaklys.

4Ena yth av vy dhe alter Duw,

dhe Dhuw joy ow lowender;

ha war an sowtri my a'th wormel,

A Dhuw, ow Duw.

5Prag yth osta mar dhigolonnek, ow enev,

ha prag yth hanesydh a-bervedh ynnov?

Trest yn Duw, rag my a'n gormel prest,

selwyans ow fas, ha'm Duw.