Dhe vester an keur: war Mahalath. Maskil a Davydh.

1An den anfur re leveris yn y golonn, ‘Nyns eus Duw.’

Legrys yns, hag i re wrug sherewneth kasadow;

nyns eus denvyth a wrello dader.

2Duw a viras war-woeles dhiworth nev war vebyon den,

dhe weles mars esa denvyth fur,

ow hwilas Duw.

3Pubonan anedha re gildennas, legrys yns i oll war-barth;

nyns eus denvyth a wrello dader,

nyns eus nagonan.

4A ny gonvedh an dhrogoberoryon,

ow tybri ow fobel kepar dell dhebrons bara?

Ny alwsons war Dhuw.

5Ena yth esens i yn own bras

yn tyller ma nag esa own;

rag Duw re skattras eskern an den a gampyas a-dro dhis;

ty re wrug mewl dhedha, rag Duw dh'aga dispresya.

6A teffa selwyans Ysrael yn-mes a Sion!

Pan dreyl Duw kethneth y bobel,

Yakob a vydh lowen, ha heudhik vydh Ysrael.