Dhe vester an keur: gans daffar kerdyn. Maskil a Davydh, pan eth an Zifysi ha leverel dhe Sowl, ‘Yma Davydh yn-dann gudh yntredhon.’

1Salw vy, A Dhuw, a-barth dha hanow,

ha breus vy y'th nerth.

2Klew ow fysadow, A Dhuw;

ro skovarn dhe lavarow ow ganow.

3Rag estrenyon re sevis er ow fynn,

ha tus fell a hwila ow enev,

na worrsons Duw a-dheragdha. Sela.

4Otta, Duw yw ow gwereser;

yma an Arloedh gans an re a skoedh ow enev.

5Ev a attal drog dhe'm eskerens;

kis i y'th wirder.

6My a wra sakrifis dhis gans offrynn bolonjedhek;

my a wormel dha hanow, rag y vos mar dha.

7Rag ev re'm delivras dhiworth pub anken,

ha'm lagas re welas y vynnas war ow eskerens.