An penn-kenysi: gans daffar kerdyn. Salm. Kan.

1Duw re bo grassyes orthyn, ha'gan benniga

ha re wrello dh'y fas golowi warnan. Sela.

2Rag may fo dha fordh aswonnys war an nor,

dha selwyans yn mysk oll an kenedhlow.

3Re'th wormello an poblow, A Dhuw;

re'th wormello oll an poblow.

4Bedhes an kenedhlow heudhik ha garma yn lowen,

rag ty a vreus an poblow gans ewnder,

ha kevarwoedha an kenedhlow war an nor. Sela.

5Re'th wormello an poblow, A Dhuw;

re'th wormello oll an poblow.

6An dor re ros y drevas;

Duw, agan Duw re'gan bennigas.

7Duw re'gan bennikko;

ha perthes own anodho oll pennow an norvys.