Dhe vester an keur: war an Gittith. Salm a Davydh.

1A Arloedh, agan Arloedh,

ass yw bryntin dha hanow yn oll an norvys;

ty neb re worras dha wolewder a-ugh an nevow.

2Yn-mes a anow fleghigyow ha'n re ow tena

ty re fastyas nerth drefenn dha eskerens,

rag may tiswrylli an eskar ha'n dialor.

3Pan virav orth an nevow, ober dha vysies,

an loer ha'n ster a wrussys aga fastya,

4pyth yw den may perthydh kov anodho,

ha mab-den may hwredh vri orto?

5Ty re'n gwrug nebes isella ages an eledh,8:5 eledh: Ow siwya an Septuagint. Ebrow duwow po duw.

ha'y guruna gans golewder hag enor.

6Ty a ros dhodho mestrynses war wriansow dha dhiwleuv;

ty re worras pup-tra yn-dann y dreys,

7oll deves hag oghen;

hag ynwedh bestes an gwel,

8ydhyn an nevow ha puskes an mor,

kekemmys a dremen dre hynsyow an moryow.

9A Arloedh agan Arloedh,

ass yw bryntin dha hanow yn oll an norvys!