Dhe vester an keur. Salm a vebyon Koragh.

1Ty re beu grassyes, A Arloedh, orth dha dir;

ty re dreylyas kethneth Yakob.

2Ty re avas kammweyth dha bobel,

ha kudha oll aga fegh. Sela.

3Ty re gemmeras dhe-ves oll dha sorr;

ty re dreylyas dhiworth dha sorr fers.

4Treyl ni, A Dhuw agan selwyans,

ha gas dha sorr orthyn.

5A vydh sorr dhis orthyn bynitha?

A ystynnydh dha sorr a unn henedh dhe'n nessa?

6A ny dreylydh ha'gan bewhe ni arta,

rag may lowenhaho dha bobel ynnos?

7Diskwa dha dregeredh dhyn ni, A Arloedh,

ha gront dhyn dha selwyans.

8My a woslow orth an pyth a lever Duw an Arloedh,

rag ev a lever kres dh'y bobel

ha dh'y syns; mes na dreylyens arta dhe follneth.

9Yn hwir yma y selwyans ogas dhe'n re a berth own anodho,

may trykko golewder yn agan tir.

10Tregeredh ha gwirder re omguntellas;

ewnder ha kres re ammas an eyl dh'y gila.

11Gwirder a egin dhiworth an nor,

hag ewnder a vir war-woeles dhiworth nev.

12Yn hwir an Arloedh a re dader,

ha'gan tir a re y drevas.

13Ewnder a a-dheragdho,

ha kres a gerdh yn fordh y olow.