LYVER IV

Pysadow a Moyses, gour Duw.

1A Arloedh, ty re beu agan skovva

a unn henedh dhe'n nessa.

2Kyns an menydhyow dhe vos dineythys,

po kyns ty dhe formya an tir ha'n norvys,

trank heb worfenn ha bys vykken, ty yw Duw.

3Ty a dreyl den arta dhe dhoust,

hag a lever, ‘Dehwelewgh, hwi vebyon den.’

4Rag mil vlydhen y'th wolok jy

yw kepar ha dydh pan yw passyes,

ha kepar ha goelyas y'n nos.

5Ty a worr diwedh dhedha avel dhe hunros;

y'n myttin yth yns avel gwels ow tevi.

6Y'n myttin ev a las ha tevi,

mes y'n gorthugher ev a grin ha gwedhra.

7Rag ni a dhe goll y'th sorr,

yth on ni dyegrys drefenn dha gonnar.

8Ty re worras agan kammweythresow a-dheragos,

ha'gan peghosow kudh yn golow dha fas.

9Rag oll agan dydhyow a dremen yn-dann dha sorr;

ni a dhre agan blydhynyow dhe benn kepar ha hanas.

10Dydhyow agan blydhynyow yw deg blydhen ha tri-ugens;

po dre reson krevder peswar-ugens blydhen,

byttegyns nyns yw aga nerth marnas poenvos hag ahwer;

rag hware y hedh, ha gyllys on ni dhe goll.

11Piw a aswonn nerth dha sorr,

ha'th koler, mar vras dell yw an own ahanas?

12Yn kettella dysk dhyn nivera agan dydhyow,

may treyllyn agan kolonn dhe furneth.

13Dehwel, A Arloedh; pygemmys prys?

Bydh truedhek orth dha wesyon.

14Lanw ni y'n myttin a'th tregeredh,

may kriyn yn lowen ha bos heudhik oll agan dydhyow.

15Lowenha ni herwydh an dydhyow may grevsys dhyn,

ha'n blydhynyow may hwelsyn drog.

16Bedhes dha wriansow apert dhe'th wesyon,

ha'th splannder dh'aga fleghes.

17Ha bedhes favour an Arloedh agan Duw warnan ni,

ha fast ober agan diwleuv warnan,

fast ober agan diwleuv.