1Seul a drig yn skovva an Ughella91:1 an Ughella: Ebrow Elyon.

a bowes yn-dann woskes an Ollgalloesek. 91:1 an Ollgalloesek: Ebrow Shadday.

2My a lever dhe'n Arloedh, ‘Ow skovva, ha'm dinas;

ow Duw a drestyav ynno.’

3Rag ev a'th selow dhiworth maglenn an ydhna

ha dhiworth an pla fell.

4Ev a'th kudh gans y bluv,

hag yn-dann y eskelli y hwilydh skovva;

y wirder yw dha skoes ha'th vokler.

5Ny berthydh own a euthekter y'n nos,

nag a'n seth a nij y'n jydh;

6a'n pla a gerdh yn tewlder,

nag a'n jevan a dhistru y'n hanter-dydh.

7Mil dhen a goedh ryb dha skoedh,

ha deg mil orth dha leuv dhyghow,

mes ny dheu hemma ogas dhiso.

8Ny wredh saw mires gans dha dhewlagas

ha gweles pewas an debeles.

9Rag ty re wrug an Arloedh dha skovva,

ty re worras an Ughella avel dha drigva,

10ny hwyrvydh dhis drog vytholl,

ha ny dheu pla ogas dhe'th tylda.

11Rag ev a re gorhemmynn dh'y eledh a-dro dhis

ma'th witthons jy yn oll dha fordhow.

12I a'th perth yn aga diwleuv,

ma na weski dha droes erbynn men

13Ty a drett yn-dann dreys an lew ha'n nader,

ty a stank war an lew yowynk ha'n dhragon.

14Drefenn ev dhe worra y gerensa warnav, rakhenna my a'n delirv;

my a'n drehav, rag ev dhe aswonn ow hanow.

15Ev a elow warnav ha my a worthyp dhodho;

yth esov ganso yn anken,

my a'n delirv ha'y enora.

16Bewnans hir a rov dhodho,

ha diskwedhes dhodho ow selwyans.