1Dewgh, gwren ni kana yn lowen dhe'n Arloedh;

gwren ni tros heudhik dhe garrek agan selwyans.

2Deun ni a-dheragdho gans grasyans,

ha gul tros heudhik dhodho gans salmow.

3Rag an Arloedh yw Duw meur,

ha Myghtern meur dres oll duwow.

4Yn y dhorn yma pub sorn a'n norvys,

hag yma pennow an menydhyow dhodho.

5Ev a bew an mor, hag ev a'n gwrug,

ha'y dhiwleuv a formyas an tir sygh.

6Deun, gordhyen hag omblegya,

gwren ni mos war benn-dewlin a-rag an Arloedh agan Gwrier.

7Rag ev yw agan Duw,

hag yth on ni pobel y beurva,

ha deves y leuv.

A mynnewgh hedhyw klewes y lev!

8Na galeshewgh agas kolonn kepar dell wrussowgh yn Meriba,

hag yn dydh Massa y'n difeyth,

9Pan y'm temptyas agas tasow

ha'm previ, kyn hwelsens ow oberow.

10Dewgens blydhen my a dhivlasas an henedh na

ha my a leveris, ‘Hemm yw pobel a wander yn sowdhan yn aga holonn,

ha ny aswonnons ow fordhow.’

11Rakhenna my a wrug ti y'm sorr,

na wrellens entra y'm powesva.