1An Arloedh yw Myghtern; krenes an poblow.

Ev yw esedhys war an cherubim; krysyes an nor.

2Meur yw an Arloedh yn Sion,

hag ughel a-ugh oll an poblow.

3Gormelens i dha hanow meur hag euthyk;

rag sans yw.

4An Galloesek yw Myghtern hag a gar gwirvreus;

ty re fastyas ewnhynseth,

ty re wrug gwirvreus

hag ewnder yn Yakob.

5Ughelhewgh an Arloedh agan Duw,

hag omblegyewgh a-dherag y skavell-droes,

rag sans yw ev.

6Moyses hag Aron yn mysk y oferysi,

ha Samuel yn mysk an re a elow war y hanow.

I a elwis war an Arloedh hag ev a worthybis dhedha.

7Ev a gewsis orta y'n goloven a gommol;

i a synsis y dhustuniow

ha'n gorhemmynn a ros dhedha.

8Ty a worthybis dhedha, A Arloedh agan Duw;

ty yw Duw dhedha, parys dhe ava,

hwath ow tiella aga drogoberow.

9Ughelhewgh an Arloedh agan Duw,

ha gordhyewgh ev war y venydh sans;

rag sans yw an Arloedh agan Duw.