Koedh Babylon

1Wosa an taklow ma my a welas ken el ow tiyskynna dhiworth nev, meur y alloes, ha'n nor a veu golowys gans y splannder. 2Hag ev a armas, nerthek y lev, ow leverel,

‘Koedhys, koedhys yw Babylon vras,

ha devedhys yw trigva dywolow ha menowghva pub spyrys avlan,

ha menowghva pub edhen avlan,

ha menowghva pub best avlan18:2 ha menowghva pub edhen avlan, ha menowghva pub best avlan ha kasadow: War-lergh re a'n dornskrifow, ha menowghva pub edhen avlan ha kasadow. ha kasadow.

3Rag pub kenedhel re evas

a'n gwin18:3 re evas a'n gwin: War-lergh re a'n dornskrifow, re goedhas drefenn an gwin. a ewl hy fornikasyon

ha myghternedh an norvys re wrug fornikasyon gensi,

ha gwikoryon an norvys yw devedhys ha bos rych dre alloes hy fythow dres musur.’

4Ha my a glewas ken lev dhiworth nev, ow leverel,

‘Dewgh yn-mes anedhi, ow fobel,

ma na vewgh kevrennogyon a'y feghosow,

ha ma na dhegemmerrowgh a'y flaow.

5Rag hy feghosow re beu gorrys yn bern bys yn nev,

ha Duw re borthas kov a'y drogoberow.

6Rewgh dhedhi arta kepar dell ros hi ynwedh,

ha rewgh dhedhi dewblek a'y gwriansow: y'n hanaf may kemmyskas hi, gwrewgh kemmyska dewblek.

7Kepar dell wrug hi omwordhya ha bewa yn rychys,

yndellma rewgh dhedhi payn hag ahwer,

rag hi a leveris yn hy holonn,

“My yw esedhys myghternes,

ha nyns ov vy gwedhwes,

ha ny welav ahwer.”

8Rakhenna, yn unn jydh y teu hy flaow,

ankow, hag ahwer, ha divoetter,

ha gans tan hi a vydh leskys,

rag bos krev an Arloedh Duw neb a's breus.’

9Ha myghternedh an norvys neb re wrug fornikasyon ha triga gensi gans pythow dres musur, a vynn oela ha kyni rygdhi pan welons an mog a'y leski. 10I a sev a-bell der own a'y fayn, ow leverel, ‘Tru, tru, an sita vras, Babylon, an sita grev! rag yn unn our re dheuth dha vreus.’

11Ha gwikoryon an norvys a vynn oela ha kyni rygdhi: rag ny bren denvyth aga gwara namoy: 12gwara a owr, hag arghans, ha men meur y bris, ha perlys, ha sendal, ha purpur, hag owrlin, ha pann kogh, ha prenn kitron a bub eghenn, ha pub lester a dhans olifans, ha pub lester a brenn meur y bris, ha brons, ha horn, ha marbel, 13ha kinnamon, ha spisa, hag ethow hag eli, ha frankynkys, ha gwin, hag olew, ha bleus fin, ha gwaneth, ha bestes, ha deves, ha mergh, ha kertys, ha kethwesyon, hag enevow tus.

14‘Ha frut ewn dha enev

yw tremenys dhiworthis,

ha pup-tra rych ha splann yw tremenys dhiworthis, ha ny's kevons18:14 ha ny's kevons: War-lergh re a'n dornskrifow ha ny's kevydh. namoy.’

15An wikoryon a'n taklow ma, neb a dheuth ha bos rych dredhi, a vynn sevel a-bell der own hy fayn, owth oela hag ow kyni, 16ow leverel,

‘Tru, tru, an sita vras,

gwiskys yn sendal, ha purpur ha pann kogh,

ha kudhys gans owr ha men meur y bris, ha perlys!

17Rag yn unn our re beu diswrys rychys mar vras.’

Ha pub lewyader, ha pub den ow koelya war an mor, ha marners, ha kemmys a dhendil aga bewnans war an mor, a sevis a-bell, 18hag a armas pan welsons mog hy leski, ow leverel,

‘Py sita yw kepar ha'n sita vras?’

19Hag i a dewlis doust war aga fenn, hag a armas, owth oela, hag ow kyni, ow leverel,

‘Tru, tru, an sita vras,

may feu seul a'n jevo lestri y'n mor

gwrys rych dre hy hevoeth!

rag yn unn our hi re beu gwrys difeyth.’

20Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.

21Hag unn el galloesek a gemmeras men kepar ha men-melin bras, ha'y dewlel y'n mor, ow leverel,

‘Yndella, gans garowder, Babylon an sita vras

a vydh tewlys war-nans,

ha ny vydh kevys namoy.

22Ha son telynnyoryon, ha mynstrals, ha piboryon, ha trompours

ny vydh klewys ynnos namoy,

ha krefter vyth ynnos pypynag a vo y greft,

ny vydh kevys ynnos namoy,

ha son melin

ny vydh klewys ynnos namoy;

23ha golow kantol

ny splann ynnos namoy;

ha lev an gour pries ha'n venyn bries

ny vydh klewys ynnos namoy,

rag dha wikoryon a veu tus meur aga bri y'n norvys,

rag oll kenedhlow a veu toellys gans dha bystri.

24Hag ynni hi y feu kevys goes profoesi ha syns,

hag oll an re a veu ledhys war an nor.’