Ober an Skriba

1Ass yw dihaval an den a omre

dhe studhya lagha an Ughella!

Ev a hwila furneth oll an dus koth,

ha ri y dermyn dhe brofoesansow;

2ev a with lavarow gwer erys-da

ha dewana sotelnethow parabolennow;

3ev a hwila styryow kudhys an lavarow koth

hag skiansek yw yn tewlder an parabolennow.

4Ev a serv yn mysk an vrasyon

hag omdhiskwedhes a-rag rewloryon;

ev a draval yn tiryow estren

ha previ an pyth yw da ha drog yn mysk tus.

5Ev a sett y golonn dhe sevel a-varr

dhe hwilas an Arloedh a'n gwrug,

ha pysi a-rag an Ughella;

ev a iger y anow yn pysadow

ha govynn gevyans rag y beghosow.

6Mars yw mynnas an Arloedh meur,

ev a vydh lenwys a spyrys konvedhes;

ev y honan a dhiver geryow furneth

ha ri grasow dhe'n Arloedh yn pysadow.

7An Arloedh a gevarwoedh y gusul ha'y wodhvos,

hag ev a ombreder a-dro dh'y gevrinyow.

8Ev a dhiskwa dyskybleth y dhyskas,

ha bostya yn lagha kevambos an Arloedh.

9Lies a wormel y gonvedhes;

nevra ny vydh dileys.

Nyns a y govadh dhe goll,

ha'y hanow a vew a henedh dhe henedh.

10Kenedhlow a gews a'y furneth,

ha'n kuntelles a dheklar y wormel.

11Mar kyv oes hir, ev a as hanow brassa ages mil,

ha pan a dh'y bowes, ev a geworr dh'y hanow da.

Hymna Gormel dhe Dhuw

12My a'm beus moy y'm brys dhe leverel;

my yw leun avel an loer leun.

13Goslowewgh orthiv, ow mebyon lel, ha bleujyowa

kepar ha rosenn ow tevi ryb gover dowr.

14Dannvon sawer hweg avel ynkys,

ha bleujyow kepar ha lili.

Skatter an sawer, ha kan hymna gormel;

bennik an Arloedh a'y weythresow oll.

15Meurhewgh y hanow

ha ri grasow dhodho gans gormel,

gans kanow war agas diwweus, ha gans sowtris;

hemm yw an pyth a leverowgh yn grasyans:

16‘Oll oberow an Arloedh yw fest da,

ha'n pyth a worhemmynn a vydh gwrys y'n termyn ewn.’

17Ny yll denvyth leverel, ‘Pyth yw hemma?’ po ‘Prag yth yw henna?’ –

rag y'n termyn ewn y fydh gorthyp dhe oll govynnow a'n par ma.

Orth y er an dowrow a sevis yn graghell,

ha'n kreunyow dowr orth ger y anow.

18Pan worhemmynn, pup-tra a vynno yw kollenwys,

ha denvyth ny yll lettya y selwyans.

19Yma gweythresow oll kig a-ragdho,

ha travyth ny yll bos kudhys a'y lagasow.

20A dhalleth an oesow dhe'n diwedh ev a wel,

ha nyns eus travyth re varthusek ragdho.

21Ny yll denvyth leverel, ‘Pyth yw hemma?’ po ‘Prag yth yw henna?’ –

rag pup-tra re beu gwrys rag y borpos y honan.

22Y vennath a gudh an tir kepar hag avon,

hag avel liv hi a worlyp an syghtir.

23An kenedhlow a erit y sorr,

par dell dreyl ev dowrow yr dhe hyli.

24Dhe'n re lel y fordhow yw ewn,

mes leun a vaglennow dhe'n re dhilagha.

25A'n dalleth traow da a veu gwrys rag an re dha,

mes rag an beghadoryon droktraow.

26An edhommow selvenel rag bewnans denel

yw dowr, tan, horn, hoelan,

bleus gwaneth, leth ha mel,

sugen an gwinreun, olew ha dillas.

27Oll an re ma yw dhe les dhe'n re dhuwel,

mes rag peghadoryon i a dreyl dhe dhrogow.

28Yma gwynsow a wrug Duw aga kreatya rag dial,

hag yn aga sorr i a skorj yn krev;

dydh breus i a dhiver aga nerth

ha diserri sorr aga Gwrier.

29Tan ha keser, divoetter ha pla,

oll an re ma re beu gwrys rag dial;

30dyns enyvales gwyls ha skorpyones ha nadres,

ha'n kledha a gessydh an re dhidhuw gans distruyans.

31I a lowenha ow kul y worhemmynn,

pup-prys parys dh'y servya war an nor;

ha pan dheu aga thermyn ny vydhons diwostydh dh'y worhemmynn.

32Ytho a'n dalleth re beuv sur a hemma oll

ha prederi a'n traow ma ha'ga gasa yn skrif:

33Oll gweythresow an Arloedh yw da,

hag ev a gollenow pub edhomm yn y dermyn.

34Ytho ny yll den leverel, ‘Hemm yw gweth es henna’,

rag taklow oll yw prevys da yn aga thermyn.

35Ytho lemmyn kenewgh a leun golonn ha gans ganow,

ha bennigewgh hanow an Arloedh.