Yosia

1Hanow Yosia yw avel ynkys kemmyskys

pareusys gans sleyghneth an feryl;

Y govadh yw maga hweg avel an mel dhe bub ganow,

hag avel menestrouthi orth gwledh a win.

2Ev a veu gidys yn ewn yn dasfurvyans an bobel,

ha dilea kasadewder dilagha.

3Ev a gevarwoedhas y golonn troha'n Arloedh;

yn termyn dilagha ev a fastyas gordhyans Duw.

4Marnas Davydh ha Hezekia ha Yosia,

i oll a wrug treuspassow bras,

rag i dhe forsakya lagha an Ughella;

myghternedh Yuda a dheuth dhe'n diwedh.

5Ytho ev a ros aga nerth dhe re erell,

ha'ga golewder dhe genedhel estren,

6a worras tan yn sita dhewisys an sentri,

ha gul dh'y stretow bos ynyal,

dell dhargansa Yeremia.

7Rag i re'n tebeldhyghtsa,

neb re bia sanshes avel profoes hwath yn torr y vamm,

dhe dhiwreydhya, dhe dhiswul ha dhe dhistrui,

keffrys ha dhe dhrehevel ha dhe blansa.

Profoesi ha Tus Erell

8Y feu Ezekiel neb a welas an welesigeth a wolewder,

a dhiskwedhas Duw dhodho a-ugh charett an cherubim.

9Rag Duw a venegas ynwedh Job49:9 Ow siwya an Ebrow.

a withas fast dhe fordhow ewnhynseth

10Re dhannvonno eskern an Dewdhek Profoes

bewnans nowydh a'n tyller may mons ynkleudhys,

rag i a gonfortyas pobel Yakob

ha'ga delivra gans govenek sur.

11Fatell wren ni meurhe Zerubbabel?

Ev o avel bysow-sel war an leuv dhyghow,

12hag yndellma o Yeshua mab Yosedek;

yn aga dydhyow i a dhrehevis an chi

ha byldya tempel sans dhe'n Arloedh,

destnys rag golewder bythkwethek.

13Kov Nehemia ynwedh a bes;

ev a dhrehevis agan fosow koedhys,

ha settya porthow ha barrow,

ha dastrehevel agan chiow diswrys.

Gwel War dhe Lergh

14Boghes re beu kreatys war an nor avel Enok,

rag ev a veu kemmerys yn-bann a'n nor.

15Ha ny veu genys gour vyth avel Yosep;

ha'y eskern a veu gwithys saw.

16Shem ha Seth a veu enorys yn mysk tus,

mes a-ugh pup-tra vew a greasyon a veu Adam.