Kusul Dhivers

1Na wra drog, ha nevra ny dheu drog warnas.

2Gorta a-ves dhiworth anewnder, hag ev a dreyl dhiworthis.

3Ow mab, na has war an fynnglow a anewnder,

poken ny wredh mysi trevas seythplek.

4Na hwila dhiworth an Arloedh soedh ughel,

na esedh a enor dhiworth an myghtern.

5Na justifi dha honan a-dherag an Arloedh,

na dhiskwedhes dha furneth a-dherag an myghtern.

6Na hwila bos breusyas,

rag own dha vos heb galloes a denna dhe-ves anewnder,

rag own dha vos delenwys gans den galloesek,

hag yndella gorra namm war dha ewnder.

7Na wra pegh erbynn kemmynieth an bobel,

ha na sham dha honan yn poblek.

8Na golm peghes dhe beghes diwweyth,

rag ny vydhydh heb kessydhyans rag onan.

9Na lever, ‘Ev a vir orth ow rohow pals,

ha pan wrav offrynn dhe Dhuw Ughella, ev a'n kemmer.’

10Na vydh gwann dha spyrys ha ty ow pysi,

ha na vydh logh ow ri alusenow.

11Na wra ges a dhen neb yw hwerow y enev,

rag yma Onan neb a iselha hag ughelhe.

12Na dhevis gow erbynn dha vroder,

ha na wra an keth tra dhe goweth.

13Skon a leverel gow vyth,

rag ny dheu dader dhiworth gowleverel.

14Na glapp yn kuntelles an henavogyon,

ha na dhaslavar y'th pysadow.

15Na gas lavur skwithus,

na gweyth an bargen-tir, hag a veu kreatys gans an Ughella.

16Na niver dha honan yn mysk routh an beghadoryon;

porth kov na wra sorr delatya.

17Uvelha dha spyrys yn feur,

rag kessydhyans a'n re dhidhuw yw tan ha pryves.

18Na geschanj koweth rag budh,

na ewn broder rag an owr a Ofir.

19Na fyll dhe gavoes gwreg fur ha da,

rag bri hy gras yw dres owr.

20Na gammdhyght gwas neb a wra y ober yn lel,

na lavuryas arvethys neb a omri dh'y ober.

21Kares dha enev gwas poell,

na skon a ri dhodho y rydhses.

22Eus chatel dhis? Gwra aga gwitha;

mars yns i budhadow ragos, gwith i.

23Eus fleghes dhis? Ro dhedha dyskybleth,

ha gwra dhedha bos gostydh a-dhia'ga yowynkneth.

24Eus myrghes dhis? Bydh prederus a-dro dhe jastita aga horf,

ha na dhiskwa fas re vedhel dhedha.

25Ro myrgh yn demmedhyans; ty a vydh ow kowlwul oberenn vras.

Mes ro hi dhe wour a'n jeves konvedhes.

26Eus genes gwreg yw plegadow dhis? Na wra hy thewlel yn-mes;

mes na drest dha honan dhe onan neb yw kasadow genes.

27Gans oll dha golonn, enor dha das,

ha na ankov an gloesow-dineythi godhevys gans dha vamm.

28Porth kov dha vos genys dredha,

ha pandr'a yllydh ri dhedha yw par dh'aga ro dhiso jy?

29Gans oll dha enev porth own a'n Arloedh,

hag enor y oferysi.

30Gans oll dha nerth kar dha Wrier,

ha na forsak y venystrys.

31Porth own a'n Arloedh, hag enor an oferyas,

ha ro dhodho y rann, dell yw gorhemmynnys dhis:

an kynsa frut, an offrynn kammweyth, ro an skoedhow,

an sakrifis a sansheans, ha kynsa frut an taklow sans.

32Ystynn dha leuv dhe'n boghosek,

may fo dha vennath kowlwrys.

33Ro gans gras dhe oll an re vew,

ha na skon gras dhiworth an re varow.

34Na gildenn dhiworth an re a oel,

mes kyn gans an re a gyn.

35Na hok ow mos dhe vires den klav,

rag ty a vydh kerys rag gwriansow a'n par na.

36Yn pup-tra a wredh, porth kov a'th diwedh,

hag ena nevra ny beghydh.