1War ow gweli, dhiworth an nos,

my a hwilas karadow ow enev;

my a'n hwilas, mes ny'n kevis.

2‘My a sev yn-bann, ha mos a-derdro y'n sita,

y'n stretys ha'n plenys,

my a hwila karadow ow enev.’

My a'n hwilas mes ny'n kevis.

3An woelysi a'm kavas,

hag i ow mos a-dro y'n sita,

‘A welsowgh karadow ow enev?’

4Skant nyns yth vy dhiworta,

bys pan gevis karadow ow enev.

My a settyas dalghenn warnodho, ha ny vynnis y dhelivra

bys pan y'n drosen vy a-bervedh yn chi ow mamm,

hag a-berth yn chambour an venyn neb a'm omdhuk.

5My a'gas konjor, A vyrghes Yerusalem,

re'n yorghes po re'n ewigow a'n mesyow,

Na wra dhe gerensa difuna na movya

bys pan vynno hi!

An Tressa Kan

6Piw yw hemma usi ow tos yn-bann a'n gwylvos,

kepar ha kolovenyow a vog,

yn mysk ethennow a vyrr ha frankynkys,

a bub polter sawrek a'n marchont?

7Otta, yth yw gravath-kador Solomon!

Yma tri-ugens kasor a-dro dhodho,

a gasoryon Ysrael,

8pub huni anedha ow toen kledha

ha dyskys yn vatel,

pub huni gans y gledha orth y vordhos,

erbynn peryll yn termyn nos.

9Myghtern Solomon a wrug dhodho gravath-kador

a brenn Lebanon.

10Ev a wrug hy holovenyow a arghans,

y geyn a owr, y esedh a burpur,

a-bervedh, ispannys o gans ledher3:10 ispannys o gans ledher: Po kudhys gans kerensa.

gans myrghes Yerusalem.

11Ewgh yn-mes ha mirewgh, a vyrghes Sion,

orth myghtern Solomon gans an gurun

may hwrug y vamm y guruna gensi

yn dydh y dhemmedhyans,

ha'n jydh mayth o lowen y golonn.