1Ple hwrug dha garadow mos,

A dekka yn mysk benynes?

Ple hwrug dha garadow treylya,

may hwren ni y hwilas genes?

2Y hwrug ow haradow mos yn-nans dh'y lowarth,

dhe vleujyowegi an spisys,

rag peuri y flokk y'n lowarthyow,

ha kuntell lili.

3Dhe'm karadow ov vy ha dhymmo vy yw ow haradow,

neb a beur y flokk yn mysk an lili.

An Pympes Kan

4Mar deg avel Tirsa osta, ow hares,

mar hweg avel Yerusalem,

euthyk kepar ha lu gans baneryow.

5Treyl dha dhewlagas dhe-ves dhiworthiv,

rag i a'm feth.

Dha vlew yw kepar ha gre a ever,

ow lamma yn-nans war ledrow Gilead.

6Dha dhyns yw kepar ha flokk a dheves,

devedhys yn-bann dhiworth an wolghva,

pub huni anedha ow toen gevellyon,

heb onan vyth anedha ow kelli askorr.

7Dha dhiwvogh yw avel tamm a reunaval

a-dryv dha vayl.

8Yma tri-ugens myghternes ha peswar-ugens iswreg,

ha gwyrghesow heb niver.

9Onan yw ow holommenn, ow benyn berfydh;6:9 TH31r onyn ew ow colomman (vel colam) ha ow onyn perfect.

an unn vyrgh yw hi dh'y mamm,

heb namm dhe neb a's omdhuk.

Myrghes a's gwelas ha keslowenhe gensi,

myghternesow hag iswragedh a's gormolas.

10‘Piw yw homma neb a vir yn-nans kepar ha'n bora,

mar deg avel an loer, mar splann avel an howl,

euthyk kepar ha lu gans baneryow?’

11My eth yn-nans dhe lowarth an know

rag hwithra an eginyow y'n nans,

dhe weles mar kwrug an gwinbrennyer glasa,

mar kwrug an greunavalow bleujyowa.

12Kyns my dhe gonvedhes, ow enev a'm gorras

war jarettow ow fobel, avel penntern.6:12 Styr an Ebrow yw pur ansertan.

13Dehwel, dehwel, A Shulammyades,

dehwel, dehwel, may hwren ni mires orthis.6:13 Y'n tekst ebrow 6:13 bys 7:14 yw niverys 7:1 bys 7:13

Prag y firowgh orth an Shulammyades,

kepar hag orth donsyow dew rew?6:13 Styr an Ebrow yw pur ansertan.