An Arghans Daskevys

1Ena Tobias a elwis Rafael ha leverel dhodho, 2‘Broder Azarias, kemmer servyas ha dew gowrvargh genowgh ha kewgh dhe Gabael dhe Rages yn Media ha kavoes dhymm an arghans; ha doroy e dhe'n goel demmedhyans. 3Rag Raguel re dos ma na dhiberthiv; 4mes yma ow thas ow nivera an dydhyow, ha mar strechyav hir ev a vydh grevys meur.’ 5Ytho Rafael a wrug an vyaj ha triga dres nos gans Gabael. Ev a ros dhodho an akwityans, ha Gabael a dhros an seghyer yn-mes yn-dann sel, ha'ga ri dhodho. 6Myttinweyth i a sevis a-varr aga dew war-barth ha dos dhe'n goel demmedhyans. Ha Gabael a vennigas Tobias ha'y wreg.9:6 Ha Gabael a vennigas Tobias ha'y wreg: Amendys war-lergh codex Sinaticus. Codices Alexandrinus ha Vaticanus Ha Tobias a vennigas y wreg.