Y Tegoedh dhe Vyghternedh Hwilas Furneth

1Klewewgh rakhenna, A vyghternedh, ha konvedhewgh;

dyskewgh, A vreusysi pennow an bys.

2Goslowewgh, hwi a rewl routhow,

ha bostya a lies kenedhel.

3Rag agas galloes a veu res dhywgh dhiworth an Arloedh,

ha'gas myghternsys dhiworth an Ughella;

ev a hwither agas oberow, ha hwilas agas towlow.

4Drefenn na vreusewgh yn ewn avel gwesyon a'y wlaskor,

na gwitha an lagha,

na kerdhes war-lergh kusul Duw,

5ev a dheu warnowgh yn euthyk hag yn uskis,

drefenn breus kales dhe goedha war an re yn tylleryow ughel.

6Rag an den isella a yll bos gevys yn mersi,

mes an dus alloesek a vydh prevys yn krev.

7Rag ny sev an Mester a bup-tra yn euth a dhenvyth,

na diskwedhes revrons dhe vraster;

drefenn ev y honan dhe wul byghan ha bras,

ha gwitha pup-tra yn kepar maner.

8Mes hwithrans stroeth a dheu war an re alloesek.

9Dhywgh hwi rakhenna, A vyghternedh, my a gews,

may hyllowgh dyski furneth ha ma na goetthowgh dhe-ves.

10Rag an re a with taklow sans yn sansoleth a vydh sanshes,

ha'n re re dhyskas yndella a gyv defens.

11Rakhenna settyewgh agas desir war ow geryow;

yeunewgh war aga lergh, ha hwi a vydh dyskys.

Deskrifans Furneth

12Furneth yw splann, ha ny wedher,

hi yw dissernys yn es gans an re a's kar,

ha kevys gans an re a's hwila.

13Hi a fisten dhe wul hy honan aswonnys dhe'n re a's desir.

14Piwpynag a saffo a-varr dh'y hwilas ny'n jeves lavur skwithus,

rag ev a's kyv owth esedha orth y yetys.

15Prederi warnedhi yw konvedhes perfydh,

ha piwpynag a vo hewoel rygdhi a vydh heb preder a verr spys,

16drefenn hi dhe vones a-dro ow hwilas an re yw wordhi anedhi,

ha dhiskwedhes hy honan yn grassyes dhedha yn aga hynsyow,

ha dyerbynna orta yn pub tybyans.

17An gwir dhalleth anedhi yw an desir rag dyskans,

ha bern rag dyskans yw kerensa anedhi,

18ha kerensa anedhi yw gwitha hy laghys,

hag attendya y laghys yw warrant a anvarwoleth,

19hag anvarwoleth a'gan dre ogas dhe Dhuw;

20ytho desir rag furneth a dhre dhe vyghterneth.

21Rakhenna mars yw agas delit yn tronys ha ternwelennow, A bennsevigyon poblow,

enorewgh furneth, may hyllowgh reynya bys vykken.

22My a dheriv orthowgh pyth yw furneth ha pyth yw hy devedhyans,

ha ny gudhav kevrinyow dhiworthowgh,

mes my a helergh hy hyns dhiworth dalleth an gwrians,

ha dri godhvos anedhi dhe wolow,

ha ny dremenav dres an gwiryonedh;

23na gesvyajyav gans avi fell,

rag ny yll avi kowethya gans furneth.

24Routh an re fur yw selwyans an bys,

ha myghtern doeth yw faster an werin.

25Rakhenna degemmerewgh dyskans der ow geryow, ha hwi a gyv gwayn.