Breus erbynn an Eskerens

1Begh ger an Arloedh9:1 Begh ger an ARLOEDH: Po Dargan: Ger an ARLOEDH. war dir Hadrak

ha Damaskus a vydh y bowesva;

rag war an Arloedh y fydh dewlagas tus,

hag oll loethow Ysrael.

2Hamath ynwedh, usi war hy or;

Tyr ynwedh ha Sidon, mar skiansek kyn fons.

3Tyr re dhrehevis dinas rygdhi;

re vernyas arghans avel doust,

hag owr pur avel leys an stretys.

4Mes an Arloedh a wra hy fesya

ha tewlel hy nerth y'n mor,

ha hi a vydh devorys gans tan.

5Ashkelon a'n gwel, ha perthi own,

Gaza ynwedh, ha hi a wra gwynnel gans angoes,

hag Ekron, rag hi a vydh toellys a'y govenek.

Gaza a gyll hy myghtern,

hag Ashkelon ny vydh annedhys.

6Pobel gemmyskreydh a wra annedhi Ashdod,

ha my a dregh dhe-ves goeth an Filistysi.

7My a gemmer y woes yn-mes a'y anow,

ha'y daklow kasadow dhiworth y dhyns;

ev ynwedh a vydh remenant rag agan Duw,

hag ev a vydh avel kordh yn Yuda,

hag Ekron a vydh avel an Yebusysi.

8My a wra kampya ryb ow chi avel gwithyas,

ma na dremenno denvyth na dehweles.

Ny dremen mester kethneth arta dresta,

rag lemmyn my re welas gans ow dewlagas.

Devedhyans an Myghtern

9Lowenha yn feur, myrgh Sion!

Garm, myrgh Yerusalem!

Awotta dha vyghtern a dheu dhis,

gwiryon ha trygh,

uvel hag ow marghogeth war asen,

war ebel mab asen.

10My a dhistru an charett dhiworth Efraym

ha'n margh dhiworth Yerusalem,

Gwarak an gas a vydh distruys.

Ev a gews kres dhe'n kenedhlow.

Y rewl a wra drehedhes a vor dhe vor,

ha dhiworth an avon9:10 an avon: Honn yw an Ewfrates. bys pennow an norvys.

11Ha ty, drefenn goes dha gevambos,

my a wra delivra dha brisnoryon mes a pytt heb dowr.

12Dehwelewgh dh'agas skons,9:12 dh'agas skons: Po amendyans yn routhow. prisnoryon govenek;

hwath hedhyw my a dheriv y restoryav dewblek dhis.

13My a wra plegya Yuda avel gwarak

ha gorra Efraym ynni avel seth.

My a dhifun dha vebyon, A Sion,

erbynn dha vebyon, A Bow Grek,

ha my re'th wrug avel kledha kasor.

14Ena an Arloedh a omdhiskwedh a-ughta;

y seth a yn-mes avel lughes.

An Arloedh Duw a hwyth an hirgorn,

ha mos yn-rag yn korwynsow an dyghow,

15hag Arloedh an luyow a vydh skoes warnedha.

I a wra dybri, ha stankya yn-nans an meyn-towlbrenn.

I a wra eva ha garma kepar ha gans gwin,9:15 Po amendyans I a wra eva aga goes avel gwin.

ha bos lenwys avel bolla-offrynn,

avel kern an alter.

16An Arloedh aga Duw a wra aga sawya y'n jydh na

avel flokk y bobel;

rag i a vydh avel meyn drudh yn kurun,

ow sterenni9:16 ow sterenni: Po drehevys yn-bann. yn y dir.

17Ass yw meur y dhader, hag ass yw meur y dekter!

Greun a wra dhe'n wer yowynk seweni,

ha gwin nowydh an myrghes.