I'r Cyfarwyddwr: ar Seminith. Salm. I Ddafydd.

1Arbed, O ARGLWYDD; oherwydd nid oes un teyrngar ar ôl,

a darfu am y ffyddloniaid o blith pobl.

2Y mae pob un yn dweud celwydd wrth ei gymydog,

y maent yn gwenieithio wrth siarad â'i gilydd.

3Bydded i'r ARGLWYDD dorri ymaith bob gwefus wenieithus

a'r tafod sy'n siarad yn ymffrostgar,

4y rhai sy'n dweud, “Yn ein tafod y mae ein nerth;

y mae ein gwefusau o'n tu; pwy sy'n feistr arnom?”

5“Oherwydd anrhaith yr anghenus a chri'r tlawd,

codaf yn awr,” meddai'r ARGLWYDD,

“rhoddaf iddo'r diogelwch yr hiraetha amdano.”

6Y mae geiriau'r ARGLWYDD yn eiriau pur:

arian wedi ei goethi mewn ffwrnais,

aur12:6 Tebygol. Hebraeg, i'r ddaear. wedi ei buro seithwaith.

7Tithau, ARGLWYDD, cadw ni12:7 Felly llawysgrifau a Groeg. TM, hwy.,

gwared ni am byth oddi wrth y genhedlaeth hon,

8am fod y drygionus yn prowla ar bob llaw,

a llygredd yn uchaf ymysg pobl.