CAB. II

1Ad shoh mec Israel; Reuben, Simeon, Levi, as Judah, Issachar, as Zebulun, 2Dan, Joseph, as Benjamin, Naphtali, Gad, as Asher.

3Mec Yudah; Er, as Onan, as Shelah: v’ad shoh nyn droor ruggit da jeh inneen Shuah yn Canaanite. As Er, mac shinney Yudah, ren olk ayns shilley’n Chiarn, as varr eh eh. 4As Tamar e inneen-’sy-leigh, dymmyrk ee da Pharez, as Zerah. Ooilley mec Yudah v’ad queig. 5Mec Pharez: Hezron as Hamul. 6As mec Zerah; Zimri, as Ethan, as Heman, as Calcol, as Dara; queig ayns ooilley. 7As mec Carmi; Achan, eh hayrn seaghyn er Israel, va foiljagh ayns y chooid chustey. 8As mac Ethan; Azariah. 9Mec Hezron myrgeddin, va ruggit da; Jerahmeel, Ram, as Chelubai. 10As hooar Ram Amminadab, as hooar Amminadab Nahshon, prince cloan Yudah; 11As hooar Nahshon Salma, as hooar Salma Boaz, 12As hooar Boaz Obed, as hooar Obed Jesse,

13As hooar Jesse e vac shinney Eliab, as Abinadab y nah er, as Shimma yn trass, 14Nethaneel yn chiarroo, Raddai yn wheiggoo, 15Ozem yn cheyoo, Elihu yn chiaghtoo, David yn hoghtoo: 16Ny shayraghyn oc va Zeruiah as Abigail. As mec Zeruiah; Abishai, as Joab, as Asahel, three. 17As dymmyrk Abigail Amasa; as ayr Amasa va Jether yn Ishmaelite.

18As hooar Caleb mac Hezron cloan rish Azubah e ven, as rish Jerioth: ad shoh ny mec eck; Jesher, as Shobab, as Ardon. 19As tra va Azubah marroo, ghow Caleb huggey Ephrath, ren gymmyrkey da Hur. 20As hooar Hur Uri, as hooar Uri Bezaleel.

21As ny lurg shen, ghow Hezron inneen Machir, ayr Ghilead dy ve e ven, tra v’eh three-feed bleïn dy eash, as dymmyrk ee da Segub. 22As hooar Segub Jair, v’echey three ard-valjyn as feed ayns cheer Ghilead. 23As ghow eh Geshur, as Aram marish baljyn Jair; as Kenath as e baljyn, eer three-feed ard-valley: v’ad shoh ooilley lesh mec Machir ayr Ghilead. 24As lurg baase Hezron ayns Caleb-ephratah, eisht dymmyrk Abiah ben Hezron Ashur va ayr Tekoa.

25As mec Jerahmeel, mac shinney Hezron, v’ad, Ram yn chied er, as Bunah, as Oren, as Ozem, as Ahijah. 26V’ec Jerahmeel myrgeddin ben elley, va’n ennym eck Atarah; ee va moir Onam. 27As mec Ram, mac shinney Jerahmeel, v’ad Maaz, as Jamin, as Eker. 28As mec Onam v’ad Shammai, as Jada. As mec Shammai; Nadab, as Abishur. 29As va ennym ben Abishur, Abihail; as dymmyrk ee da, Ahban, as Molid. 30As mec Nadab; Seled, as Appaim: agh hooar Seled baase gyn cloan. 31As mac Appaim, Ishi. As mac Ishi; Sheshan: as hooar Sheshan Ahlai. 32As mec Jada, braar Shammai: Jether as Jonathan, as hooar Jether baase gyn cloan. 33As mec Jonathan, Peleth as Zaza. V’ad shoh mec Jerahmeel.

34Nish cha row mec ec Sheshan, agh inneenyn, as va fer-mooinjerey ec Sheshan, ny Egyptian, va’n ennym echey Jarha. 35As chur Sheshan e inneen da Jarha e harvaant, son ben da, as dymmyrk ee da, Attai. 36As hooar Attai Nathan, as hooar Nathan Zabad, 37As hooar Zabad Ephlal, as hooar Ephlal Obed, 38As hooar Obed Jehu, as hooar Jehu Azariah, 39As hooar Azariah Helez, as hooar Helez Eleasah, 40As hooar Eleasah Sisamai, as hooar Sisamai Shallum, 41As hooar Shallum Jekamiah, as hooar Jekamiah Elishama.

42Nish, mec Chaleb, braar Jerahmeel, v’ad, Mesha yn mac shinney, va ayr Ziph, as mec Mareshah, ayr Hebron. 43As mec Hebron; Korah, as Tappuah, as Rekem, as Shema. 44As hooar Shema Raham, ayr Jorkoam: as hooar Rekem Shammai. 45As mac Shammai va Maon: as Maon va ayr Beth-zur. 46As dymmyrk Ephah co-lhiabbagh Chaleb Haran, as Moza, as Gazez; as hooar Haran Gazez. 47As mec Jahdai; Regem, as Jotham, as Geshan, as Pelet, as Ephah, as Shaaph. 48Dymmyrk Maachah co-lhiabbagh Chaleb Sheber, as Tirhanah. 49Dymmyrk ee myrgeddin Shaaph ayr Madmannah, Shevah ayr Machbenah, as ayr Ghibea: as inneen Chaleb va Achsah.

50Ad shoh va mec Chaleb, mac Hur, yn er shinney ruggyr jeh Ephratah; Shobal ayr Kirjath-jearim, 51Salma ayr Veth-lehem, Hareph ayr Beth-gader. 52As va mec ec Shobal ayr Kirjath-jearim; Haroeh, as lieh jeh ny Manahethiteyn. 53As sheelogheyn Kirjath-jearim; ny Ithriteyn, as ny Puhiteyn, as ny Shumathiteyn, as ny Mishraiteyn: vouesyn haink ny Zareathiteyn, as ny Eshtauliteyn. 54Mac Salma; Beth-lehem, as ny Netophathiteyn, Ataroth, thie Yoab, as lieh ny Manahethiteyn, ny Zoriteyn. 55As sheelogheyn ny scrudeyryn, va cummal ec Jabez; ny Tirathiteyn, ny Shimeathiteyn, as Suchathiteyn. Shoh ny Keniteyn haink jeh Hemath ayr thie Rechab.