CAB. XXV

1Marish shoh, ren David as ard-gheiney ny saggyrtyn soiaghey er-lheh gys shirveish mec Asaph, as Heman, as Jeduthun, adsyn va dy ghoaill arraneyn casherick er claasaghyn, er psaltereeyn, as er cymballyn, as earroo ny deiney ayns y chirveish shoh, va, 2Jeh mec Asaph, Zaccur, as Joseph, as Nethaniah, as Asarelah, mec Asaph, fo laueyn Asaph: va jannoo kiaulleeaght cordail rish order y ree. 3Jeh Jeduthun: mec Jeduthun, Gedaliah, as Zeri, as Jeshaiah, Hashabiah, as Mattithiah, shey fo laue nyn ayr Jeduthun, er y chlaasagh dy choyrt booise, as moylley da’n Chiarn. 4Jeh Heman: mec Heman: Bukkiah, Mattaniah, Uzziel, Shebuel, as Jerimoth, Hananiah, Hanani, Eliathah, Giddalti, as Romamti-ezer, Joshbekashah, Mallothi, Hothir, as Mahazioth: 5Ad shoh ooilley va mec Heman fakyder y ree ayns goan Yee, dy hroggal seose e choraa dy ard. As hug Jee da Heman kiare mec jeig as three inneenyn. 6V’ad shoh ooilley fo laue nyn ayr son kiaull ayns thie’n Chiarn, lesh cymballyn, psaltereeyn, as claasaghyn, son shirveish thie Yee, cordail rish order y ree, da Asaph, Jeduthun, as Heman. 7Myr shen yn earroo ocsyn, marish nyn mraaraghyn va ynsit ayns arraneyn y Chiarn, eer adsyn va schleioil va daa cheead kiare-feed as hoght.

8As hilg ad lottyn, sheshaght noi sheshaght, chammah beg as mooar, mainshtyr as schoillar. 9Nish haink y chied chronney magh son Asaph er Joseph; yn nah chronney er Gedaliah, eh-hene, e vraaraghyn, as e vec, ghaa-yeig: 10Yn trass er Zaccur, eh-hene, e vec, as e vraaraghyn, ghaa-yeig: 11Yn chiarroo er Izri; eh-hene, e vec, as e vraaraghyn, ghaa-yeig: 12Yn wheiggoo er Nethaniah; eh-hene, e vec, as e vraaraghyn, ghaa-yeig: 13Yn cheyoo er Bukkiah; eh-hene, e vec, as e vraaraghyn, ghaa-yeig: 14Yn chiaghtoo er Jesharelah; eh-hene, e vec, as e vraaraghyn, ghaa-yeig: 15Yn hoghtoo er Jeshaiah; eh-hene, e vec, as e vraaraghyn, ghaa-yeig: 16Yn nuyoo er Mattaniah; eh-hene, e vec, as e vraaraghyn, ghaa-yeig: 17Yn jeihoo er Shimei; eh-hene, e vec, as e vraaraghyn, ghaa-yeig: 18Yn un lot yeig er Uzziel; eh-hene, e vec, as e vraaraghyn, ghaa-yeig: 19Yn ghaaoo-yeig er Hashabiah; eh-hene, e vec, as e vraaraghyn, ghaa-yeig: 20Yn trass lot yeig er Shubael; eh-hene, e vec, as e vraaraghyn, ghaa-yeig: 21Yn chiarroo yeig er Mattithiah; eh-hene, e vec, as e vraaraghyn, ghaa-yeig. 22Yn wheiggoo-yeig er Jeremoth; eh-hene, e vec, as e vraaraghyn, ghaa-yeig: 23Yn cheyoo yeig er Hananiah; eh-hene, e vec, as e vraaraghyn, ghaa-yeig: 24Yn chiaghtoo yeig er Joshbekashah; eh-hene, e vec, as e vraaraghyn, ghaa-yeig: 25Yn hoghtoo yeig er Hanani; eh-hene, e vec, as e vraaraghyn, ghaa-yeig: 26Yn nuyoo yeig er Mallothi; eh-hene, e vec, as e vraaraghyn, ghaa-yeig: 27Yn eedoo er Eliathah; eh-hene, e vec, as e vraaraghyn, ghaa-yeig: 28Yn chied lot as feed er Hothir; eh-hene, e vec, as e vraaraghyn, ghaa-yeig: 29Yn nah as feed er Giddalti; eh-hene, e vec, as e vraaraghyn, ghaa-yeig: 30Yn trass as feed er Mahazioth; eh-hene, e vec, as e vraaraghyn, ghaa-yeig: 31Yn chiarroo as feed er Romamti-ezer; eh-hene, e vec, as e vraaraghyn, ghaa-yeig: