CAB. VII

1Nish mec Issachar, va; Tola, as Puah, Job, as Shimron, kiare. 2As mec Tola; Uzzi, as Rephaiah, as Jeriel, as Jahmai, Jibsam, as Shemuel, king thie nyn ayraghyn, ta shen, jeh Tola: v’ad shoh deiney dunnal caggee, ayns nyn sheelogheyn: va’n earroo oc, ayns laghyn Ghavid, daa housane as feed as shey cheead. 3As mac Uzzi; Izrahiah: as mec Izrahiah; Michael, as Obadiah, as Joel, Ishiah, queig: ooilley ard-gheiney. 4As mâroosyn, rere nyn gynneeyn, as lught-thie nyn ayraghyn, va sheshaghtyn dy hidooryn, deiney niartal caggee, shey thousane jeig as feed: son va oc mooarane mraane as mec. 5As va nyn mraaraghyn mastey kynneeyn Issachar, deiney caggee dunnal, ayns earroo kiare-feed as shiaght thousaneyn. 6Mec Venjamin; Bela, as Becher, as Jediael, troor. 7Mec Bela; Ezbon, as Uzzi, as Uzziel, as Jerimoth, as Iri, queig; king thie nyn ayraghyn, deiney niartal creeoil, as v’ad ayns earroo, lurg nyn sheelogheyn, daa housane as feed as kiare-jeig as feed. 8As mec Becher; Zemira, as Joash, as Eliezer, as Elioenai, as Omri, as, Jerimoth, as Abiah, as Anathoth, as Alameth. Ad shoh ooilley mec Becher. 9As yn earroo oc rere nyn gynneeyn, king thie nyn ayraghyn, deiney caggee niartal, va feed thousane as daa cheead. 10Mac Jediael myrgeddin, Bilhan: as mec Bilhan, Jeush, as Benjamin, as Ehud, as Chenaanah, as Zethan, as Tharshish, as Ahishahar. 11Ad shoh ooilley mec Jediael, ard-gheiney ny kynneeyn oc, deiney trean as dunnal, va shiaght thousane jeig as daa cheead, fondagh son caggey as magher. 12Shuppim neesht, as Huppim, cloan Ir, as Hushim, mec Aher.

13Mec Naphtali; Jahziel, as Guni, as Jezer, as Shallum, mec Bilhah.

14Mec Vanasseh, Ashriel: (agh ren e cho-lhiabbagh yn Aramitess gymmyrkey Machir ayr Ghilead: 15As ghow Machir son ben shuyr Huppim as Shuppim, ennym nyn shuyr va Maachah) as ennym y nah er va Zelophehad: as va inneenyn ec Zelophehad. 16As dymmyrk Maachah, ben Machir, mac, as denmys ee eh Peresh; as ennym e vraar va Sheresh; as ny mec echey va, Ulam as Rakem. 17As mac Ulam, Bedan. Ad shoh va mec Ghilead, mac Machir, mac Vanasseh. 18As ren e huyr Hammoleketh gymmyrkey Ishod, as Abiezer, as Mahalah. 19As mec Shemida va, Ahian, as Shechem, as Likhi, as Aniam.

20Mec Ephraim, Shuthelah, as Bered e vac, as Tahath e vac, as Eladah e vac, as Tahath e vac.

21As Zabad e vac, as Shuthelah e vac, as Ezer, as Elead, ren deiney Ghath va ruggit ’sy cheer shen y varroo, er-yn-oyr dy daink ad neose dy ghoaill ersooyl yn ollagh oc. 22As ren Ephraim nyn ayr dobberan mooarane laghyn, as haink e vraaraghyn dy gherjaghey eh.

23As tra v’eh marish e ven, ren ee giennaghtyn as gymmyrkey mac, as denmys eh eh Beriah, son yn olk v’er daghyrt da e hie. 24(As va inneen echey enmyssit Sherah, hrog Beth-horon heese as heose, as Uzzen-sherah). 25As va Rephah e vac, Resheph myrgeddin, as Telah, e vac-syn, as Tahan e vac-syn, 26Laadan e vac-syn, Ammihud e vac-syn, as Elishama e vac-syn, 27Non e vac-syn, Jehoshua e vac-syn.

28Nyn eiraght as nyn gummallyn va, Beth-el, as e baljyn: as lesh y shiar, Naaran: as lesh y sheear, Gezer, marish e baljyn; Shechem myrgeddin, as e baljyn, derrey Gaza, as e baljyn: 29As rish ardjyn cloan Vanasseh; Beth-shean, as e baljyn; Taanach, as e baljyn; Megiddo, as e baljyn; Dor, as e baljyn. Ayndoo shoh ren cloan Yoseph, mac Israel cummal.

30Mec Asher, Imnah, as Isuah, as Ishuai, as Beriah, as Serah nyn shuyr. 31As mec Beriah, Heber as Malchiel, ta ayr Birzavith. 32As hooar Heber Japhlet, as Shomer, as Hotham, as Shuah yn shuyr oc. 33As mec Japhlet, Pasach as Bimhal, as Ashvath: ad shoh ta cloan Japhlet. 34As mec Shamer, Ahi, as Rohgah, Jehubbah, as Aram. 35As mec e vraar Helem, Zophah, as Imnah, as Shelesh, as Amal. 36Mec Zophah, Suah, as Harnepher, as Shual, as Beri, as Imrah, 37Bezer, as Hod, as Shamma, as Shilshah, as Ithran, as Beera. 38As mec Jether; Jephunneh, as Pispah, as Ara. 39As mec Ulla, Arah, as Haniel, as Rezia. 40Ad shoh ooilley va cloan Asher, king thie nyn ayraghyn, reih deiney, niartal as dunnal, ard leeideilee mastey ny princeyn. As yn earroo, trooid ny kynneeyn ocsyn va aghtal ayns caggey, va shey thousaneyn as feed.