CAB. IX

1Shoh myr va earroo ooilley Israel rere nyn gynneeyn er ny ghoaill, as cur-my-ner v’ad scruit ayns lioar reeaghyn Israel as Yudah, v’er nyn goyrt lhieu ersooyl nyn gappee gys Babylon son nyn mee-viallys.

2Nish, ny chied chummaltee haink back gys nyn eiraght, ayns ny baljyn oc v’ad, ny Israeliteyn, ny saggyrtyn, ny Leviteyn, as ny Nethinim. 3As ayns Jerusalem va cummal jeh cloan Yudah, as jeh cloan Venjamin, as jeh cloan Ephraim, as Manasseh; 4Uthai, mac Ammihud, mac Omri, mac Imri, mac Bani, jeh cloan Pharez mac Yudah. 5As jeh ny Shiloniteyn, Asaiah yn er shinney, as e vec. 6As jeh mec Zerah, Jeuel as nyn mraaraghyn; shey cheead as kiare-feed as jeih. 7As jeh mec Venjamin, Sallu, mac Meshullam, mac Hodaviah, mac Hasenuah, 8As Ibneiah, mac Jeroham, as Elah, mac Uzzi, mac Michri, as Meshullam, mac Shephatiah, mac Reuel, mac Ibnijah; 9As nyn mraaraghyn, rere nyn gynneeyn, nuy cheead as shey-jeig as da-eed. V’ad shoh ooilley ard-gheiney mastey nyn gynneeyn, ayns thie nyn ayraghyn.

10As jeh ny saggyrtyn; Jedaiah, as Jehoiarib, as Jachin, 11As Azariah, mac Hilkiah, mac Meshullam, mac Zadok, mac Meraioth, mac Ahitub, fer-oik ayns thie Yee, 12As Adaiah, mac Jeroham, mac Pashur, mac Malchijah, as Maasiai, mac Adiel, mac Jahzerah, mac Meshullam, mac Meshillemith, mac Immer; 13As nyn mraaraghyn, king thie nyn ayraghyn, thousane as shiaght cheead as three-feed; deiney feer fondagh son obbyr y chirveish ayns thie Yee. 14As jeh ny Leviteyn; Shemaiah, mac Hashub, mac Azrikam, mac Hashabiah, jeh mec Merari, 15As Bakbakkar, Heresh, as Galal, as Mattaniah, mac Micah, mac Zichri, mac Asaph, 16As Obadiah, mac Shemaiah, mac Galal, mac Jeduthun, as Berechiah, mac Asa, mac Elkanah, va cummal ayns baljyn ny Netophathiteyn. 17As er y ghard va Shallum, as Akkub, as Talmon, as Ahiman, as nyn mraaraghyn: Shallum y captan oc. 18(Ta freayll gard derrey shoh ec giat y ree, lesh y shiar) v’ad shoh arreyderyn ayns sheshaghtyn cloan Levi. 19As Shallum, mac Kore, mac Ebiasaph, mac Korah, as e vraaraghyn, (jeh thie e ayrey) va ny Korahiteyn harrish obbyr y chirveish, freayll giattyn y chabbane-agglish: as nyn ayraghyn va leeideilee sheshaght-caggee yn Chiarn, va currym y phorch orroo. 20As Phinehas mac Eleazar va’n ard er-reill harrystoo ’sy chenn earish, as va’n Chiarn mârish. 21As Zechariah mac Meshelemiah va arreyder dorrys y chabbane-agglish. 22Ad shoh ooilley va reiht dy ve son gard ny giattyn, v’ad daa cheead as ghaa-yeig. Va’n coontey oc shoh rere nyn gynneeyn er ny ghoaill ayns nyn baljyn: myr va David as Samuel y phadeyr er oardaghey dagh fer gys e oik hene. 23As orroosyn as er nyn gloan va currym giattyn thie’n Chiarn, ta shen, yn cabbane-agglish, ayns nyn goorseyn. 24Er ny kiare ardjyn va gard, gys y shiar, sheear, twoaie as jiass. 25As nyn mraaraghyn, ayns nyn maljyn, va dy heet nyn yeï lurg kione shiaghtin, veih traa dy traa. 26Son va ny kiare Leviteyn shoh ny ard arreyderyn ayns nyn oik, as orroosyn va currym ny shamyryn, as tashtaghyn thie Yee.

27As va nyn gummal kinjagh mygeayrt thie Yee, er-yn-oyr dy nee orroosyn va’n churrym dy osley dy chooilley voghrey. 28As er paart jeu va currym siyn y chirveish, dy choyrt lhieu ad stiagh as magh lurg nyn goontey. 29Va paart jeu myrgeddin pointit, dy ghoaill kiarail jeh ny siyn, as ooilley jeshaghtyn yn ynnyd casherick, as y flooyr meein, as y feeyn, as yn ooil, as y frankincense, as ny spiceyn. 30As paart jeh mec ny saggyrtyn ren ooil jeh ny spiceyn. 31As ec Mattithiah, fer jeh ny Leviteyn (mac shinney Shallum yn Korahite) va currym ny reddyn shen va aarlit ayns pannyn. 32As ec paart elley jeh nyn mraaraghyn mec ny Kohathiteyn, va currym yn arran casherick dy aarlaghey gour dagh doonaght. 33As v’ad shoh ny ard-chiaulleyderyn, leeideilee ny Leviteyn, cummal ayns ny shamyryn, seyr veih dy chooilley churrym elley; son v’ad goit seose ayns yn obbyr shen, oie as laa. 34V’ad shoh ard ayraghyn ny Leviteyn trooid ny kynneeyn oc: as va nyn gummal kinjagh ayns Jerusalem.

35As ayns Gibeon, ren Jehiel ayr Ghibeon cummal: ennym e ven va Maachah: 36As e vac shinney Abdon, eisht Zur, as Kish, as Baal, as Ner, as Nadab, 37As Gedor, as Ahio, as Zechariah, as Mikloth. 38As hooar Mikloth Shimeam: as ren adsyn myrgeddin cummal marish nyn mraaraghyn, ec Jerusalem, er-gerrey da nyn mraaraghyn. 39As hooar Ner Kish, as hooar Kish Saul, as hooar Saul Jonathan, as Malchi-shua, as Abinadab, as Esh-baal. 40As mac Jonathan va Meribbaal: as hooar Meribbaal Micah; 41As mec Micah v’ad, Pithon, as Melech, as Tahrea, as Ahaz. 42As hooar Ahaz Jarah, as hooar Jarah Alemeth, as Azmaveth, as Zimri; as hooar Zimri Moza, 43As hooar Moza Binea, as Rephaiah e vac-syn, Eleasah e vac-syn, Azel e vac-syn. 44As ec Azel va shey mec, ny enmyn oc ta Azrikam, Bocheru, as Ishmael, as Sheariah, as Obadiah, as Hanan. Ad shoh va mec Azel.