CAB. II

1Nish, ad shoh cloan y rheam, ren chyndaa veih’n chappeeys, eer y chloan ocsyn, va Nebuchadnezzar ree Vabylon er choyrt lesh ersooyl gys Babylon, as va nish er jeet reesht gys Jerusalem as Judah, dagh unnane gys e valley hene; 2Haink marish Zerubbabel: Jeshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum, Baanah. Earroo deiney pobble Israel. 3Cloan Parosh, daa housane hoght-feed as ghaa-yeig. 4Cloan Shephatiah, three cheead three-feed as ghaa-yeig. 5Cloan Arah, shiaght cheead three-feed as queig-jeig. 6Cloan Pahath-moab, jeh cloan Yeshua as Yoab, daa housane hoght cheead as ghaa-yeig. 7Cloan Elam, thousane daa cheead as kiare-jeig as da-eed. 8Cloan Zattu, nuy cheead queig as da-eed. 9Cloan Zaccai, shiaght cheead as three-feed. 10Cloan Bani, shey cheead jees as da-eed. 11Cloan Bebai, shey cheead as three as feed. 12Cloan Azgad, thousane daa cheead as jees as feed. 13Cloan Adonikam, shey cheead three-feed as shey. 14Cloan Bigvai, daa housane shey-jeig as da-eed. 15Cloan Adin, kiare cheead kiare-jeig as da-eed. 16Cloan Ater jeh Hezekiah, kiare-feed as hoght-jeig. 17Cloan Bezai, three cheead three as feed. 18Cloan Jorah, keead as ghaa-yeig. 19Cloan Hashum, daa cheead as three as feed. 20Cloan Gibbar, kiare-feed as queig-jeig. 21Cloan Veth-lehem, keead as three as feed. 22Deiney Netophah, shey-jeig as da-eed. 23Deiney Anathoth, keead as hoght as feed. 24Cloan Azmaveth, jees as da-eed. 25Cloan Kirjath-arim, Chephirah, as Beeroth, shiaght cheead as three as da-eed. 26Cloan Ramah as Gaba, shey cheead as unnane as feed. 27Deiney Michmas, shey-feed as unnane. 28Deiney Beth-el as Ai, daa cheead three as feed. 29Cloan Nebo, ghaa-yeig as da-eed. 30Cloan Magbish, keead shey-jeig as da-eed. 31Cloan yn Elam elley, thousane daa cheead kiare-jeig as da-eed. 32Cloan Harim, three cheead as feed. 33Cloan Lod, Hadid as Ono, shiaght cheead as queig as feed. 34Cloan Yericho, three cheead queig as da-eed. 35Cloan Senaah, three thousaneyn shey cheead as jeih as feed.

36Ny saggyrtyn: cloan Yedaiah, jeh thie Yeshua, nuy cheead three-feed as three-jeig. 37Cloan Immer, thousane ghaa-yeig as da-eed. 38Cloan Pashur, thousane daa cheead as shiaght as da-eed. 39Cloan Harim, thousane as shiaght-jeig.

40Ny Leviteyn: cloan Yeshua, as Kadmiel, jeh cloan Hodaviah, three-feed as kiare-jeig.

41Ny fir-chiaullee: cloan Asaph, keead as hoght as feed.

42Jeh’n chloan ocsyn va currym ny giattyn orroo: cloan Shallum, cloan Ater, cloan Talmon, cloan Akkub, cloan Hatita, cloan Shobai, ayns ooilley keead nuy-jeig as feed.

43Ny Nethinimee: cloan Ziha, cloan Hasupha, cloan Tabbaoth, 44Cloan Keros, cloan Siaha, cloan Padon, 45Cloan Lebanah, cloan Hagabah, cloan Akkub, 46Cloan Hagab, cloan Shalmai, cloan Hanan, 47Cloan Giddel, cloan Gahar, cloan Reaiah, 48Cloan Rezin, cloan Nekoda, cloan Gazzam, 49Cloan Uzza, cloan Paseah, cloan Besai, 50Cloan Asnah, cloan Mehunim, cloan Nephusim, 51Cloan Bakbuk, cloan Hakupha, cloan Harhur, 52Cloan Bazluth, cloan Mehida, cloan Harsha, 53Cloan Barkos, cloan Sisera, cloan Thamah, 54Cloan Neziah, cloan Hatipha,

55Cloan fir-oik Solomon: cloan Sotai, cloan Sophereth, cloan Peruda, 56Cloan Jaalah, cloan Darkon, cloan Giddel, 57Cloan Shephatiah, cloan Hattil, cloan Pochereth jeh Zebaim, cloan Ami. 58Va ooilley ny Nethinimee as cloan fir-oik Solomon, three cheead kiare-feed as ghaa-yeig. 59As shoh v’adsyn hie seose veih Tel-melah, Tel-harsah, Cherub, Addan, as Immer; agh cha voddagh ad soilshaghey thie nyn ayrey, as nyn sluight dy ve jeh Israel. 60Cloan Delaiah, cloan Tobiah, cloan Nekoda, shey cheead ghaa-yeig as da-eed.

61As jeh cloan ny saggyrtyn: cloan Habaiah, cloan Koz, cloan Barzillai (ghow ben jeh inneenyn Barzillai yn Gileadite, as hie eh fo’n ennym oc.) 62Hir ad shoh ayns lioar nyn gynneeyn son coontey nyn gaardys, agh cha row ad ry-gheddyn: er-y-fa shen, v’ad chyndaït veih’n taggyrtys, myr neu-chooie son yn oik. 63As dooyrt yn Tirshatha roo, nagh row ad dy ghoaill ayrn ayns ny reddyn smoo casherick, derrey hassagh seose saggyrt lesh Urim as Thummim.

64Va slane earroo yn chaglym-cooidjagh daa housane as da-eed three cheead as three-feed. 65Marish ny fir-vooinjer as ny mraane-sharvaant, jeu shoh va shiaght thousaneyn three cheead shiaght-jeig as feed: as va nyn mast’ daa cheead kiaulleyder, deiney as mraane. 66Va ny cabbil oc, shiaght cheead shey-jeig as feed; ny muleyn, daa cheead da-eed as queig: 67Ny camelyn oc, kiare cheead queig-jeig as feed: nyn assylyn, shey thousaneyn shiaght cheead as feed.

68As ren paart jeh ny ard-ayraghyn, tra haink ad gys thie’n Chiarn, t’ec Jerusalem, chebbal dy arryltagh gour thie Yee, dy hoiaghey eh seose ayns e ynnyd. 69Hug ad, rere nyn booar, gys stoyr yn obbyr, three-feed as un thousane peesh dy airh, as queig thousane punt dy argid, as keead coamrey saggyrt. 70Shoh myr ren ny saggyrtyn as ny Leviteyn, as ayrn jeh’n pobble, as ny kiaulleyderyn, as gardyn ny giattyn, as ny Nethinimee, cummal ayns ny baljyn oc hene, as ooilley Israel ayns ny baljyn oc hene.