CAB. X

1Nish ad shoh sheelogheyn vec Noah; Shem, Ham, as Japheth: as daue va mec er nyn ruggey lurg y thooilley. 2Mec Japheth; v’ad Gomer, as Magog, as Madai, as Javan, as Tubal, as Meshech, as Tiras. 3As mec Gomer; Ashkenaz, as Riphath, as Togarmah. 4As mec Javan; Elisha, as Tarshish, Kittim, as Dodanim. 5Lioroo shoh va ellanyn ny ashoonee er nyn rheynn lurg nyn cheeraghyn; dagh cheer lurg e ghlare hene, cordail rish nyn gynneeyn, ayns ny ashoonyn oc,

6As mec Ham; Cush, as Mizraim, as Phut, as Canaan. 7As mec Cush; Seba, as Havilah, as Sabtah, as Raamah, as Sabtecha; as mec Raamah; Sheba as Dedan. 8As hooar Cush, Nimrod: ghow eh shoh toshiaght dy ve ny ghooinney pooaral er y thalloo. 9V’eh ny helgeyr niartal kiongoyrt rish y Chiarn: shen-y-fa te ny raa cadjin, Eer myr Nimrod yn shelgeyr niartal kiongoyrt rish y Chiarn. 10As va toshiaght e reiltys ayns Babel, as Erech, as Accad, as Calneh, ayns cheer Shinar. 11Veih yn cheer shen hie eh gys Ashur, as hrog eh Nineveh, as ard-valley Rehoboth, as Calah, 12As Resen eddyr Nineveh as Calah: ta ny ard-valley mooar. 13As hooar Mizraim Ludim, as Anamim, as Lehabim, as Naptuhim. 14As Pathrusim, as Casluhim, (jeh haink Philistim) as Caphtorim.

15As hooar Canaan Sidon e vac shinney, as Heth, 16As y Jebusite, as yn Amorite, as yn Girgasite, 17As yn Hivite, as yn Arkite, as yn Sinite, 18As yn Arvadite, as yn Zemarite, as yn Hamathite; as lurg shoh va sheelogheyn ny Canaaniteyn er nyn skeayley dy lhean. 19As va cagliagh ny Canaaniteyn veih Sidon, myr t’ou cheet gys Gerar, derrey Gaza; myr t’ou goll lesh Sodom as Gomorrah, as Admah, as Zeboim, eer gys Lashah. 20Ad shoh mec Ham, lurg nyn gynneeyn, rere nyn glaraghyn, ayns ny cheeraghyn oc, as ayns nyn ashoonyn.

21Da Shem myrgeddin, ayr ooilley cloan Eber, braar Japheth by-hinney, eer dasyn va cloan er nyn ruggey. 22Cloan Shem; Elam, as Ashur, as Arphaxad, as Lud, as Aram. 23As cloan Aram; Uz, as Hul, as Gether, as Mash. 24As hooar Arphaxad Salah; as hooar Salah Eber. 25As da Eber v’er ny ruggey daa vac: va’n derrey yeh enmyssit Peleg, son rish y lhing echeysyn va’n seihll er ny rheynn; as va ennym e vraar Joktan. 26As hooar Joktan Almodad, as Sheleph, as Hazarmaveth, as Jerah, 27As Hadoram, as Uzal, as Diklah, 28As Obal, as Abimael, as Sheba, 29As Ophir, as Havilah, as Jobab: v’ad shoh ooilley mec Joktan. 30As va’n cummal oc veih Mesha, myr t’ou goll lesh Sephar, slieau ’sy shiar. 31Ad shoh mec Shem, lurg nyn gynneeyn, rere nyn glaraghyn, ayns ny cheeraghyn oc, cordail rish nyn ashoonyn. 32Ad shoh kynneeyn mec Noah, lurg nyn sheelogheyn, ayns nyn reeriaghtyn; as lioroo shoh va ny cheeraghyn er nyn rheynn er y thalloo lurg y thooilley.