CAB. XXXVI

1Nish ad shoh sheelogheyn Esau, shoh Edom. 2Ghow Esau e vraane jeh inneenyn Chanaan: Adah inneen Elon yn Hittite, as Aholibamah inneen Anah, inneen Zibeon yn Hivite. 3As Bashemath inneen Ishmael, shuyr da Nebajoth. 4As dymmyrk Adah da Esau, Eliphaz: as Bashemath dymmyrk ee Ruel. 5As dymmyrk Aholibamah Jeush, as Jaalam, as Korah: ad shoh mec Esau, va ruggit da ayns cheer Chanaan. 6As ghow Esau e vraane, as e vec, as e inneenyn, as ooilley e vooinjer, as e vaase, as ooilley e veiyn as ooilley e chooid, v’eh er gheddyn ayns cheer Chanaan: as jimmee eh ass y cheer, veih eddin e vraar Jacob. 7Son va’n verchys oc ny smoo, na va reamys oc dy chummal cooidjagh: as cha row room ’sy cheer, raad v’ad ny yoarreeyn, dy ghoaill roo, son earroo nyn maase. 8Er-yn-oyr shoh chum Esau ayns slieau Seir: ta Esau Edom.

9As ad shoh sheelogheyn Esau, ayr ny Edomiteyn, ayns slieau Seir. 10Shoh enmyn mec Esau: Eliphaz mac Adah ben Esau, Ruel mac Bashemath ben Esau. 11As mec Eliphaz va Teman, Omar, Zepho, as Gatam, as Kenaz. 12As va Timna co-lhiabbagh Eliphaz mac Esau; as dymmyrk ee da Eliphaz, Amalek: v’ad shoh mec da Adah, ben Esau. 13As ad shoh mec Ruel; Nahath, as Zerah, Shammah, as Mizzah: v’ad shoh mec Bashemath ben Esau.

14As ad shoh va mec Aholibamah inneen Anah, inneen Zibeon, ben Esau: as dymmyrk ee da Esau, Jeush, as Jaalam, as Korah.

15V’ad shoh dukeyn jeh mec Esau: mec Eliphaz mac shinney Esau: duke Teman, duke Omar, duke Zepho, duke Kenaz, 16Duke Korah, duke Gatam, as duke Amalek: Ad shoh ny ard-leeideilee haink jeh Eliphaz, ayns thalloo Edom: v’ad shoh mec Adah.

17As ad shoh mec Ruel, mac Esau; duke Nahath, duke Zerah, duke Shammah, duke Mizzah. As shoh ny ard-leeideilee haink jeh Ruel, ayns cheer Edom: ad shoh mec Bashemath, ben Esau.

18As ad shoh mec Aholibamah, ben Esau; duke Jeush, duke Jaalam, duke Korah; ad shoh va ny ard-leeideilee haink jeh Aholibamah inneen Anah, ben Esau. 19Ad shoh mec Esau [ta Edom] as ad shoh nyn ard-leeideilee.

20Ad shoh mec Seir yn Horite, va cummaltee yn cheer; Lotan, as Shobal, as Zibeon, as Anah, 21As Dishon, as Ezer, as Dishan: ad shoh ard-leeideilee ny Horiteyn, cloan Seir ayns cheer Edom. 22As cloan Lotan, va Hori, as Heman: as shuyr Lotan va Timna. 23As cloan Shobal v’ad shoh; Alvan, as Manahath, as Ebal, Shepho, as Onam. 24As ad shoh cloan Zibeon; chammah Ajah as Anah: shoh yn Anah shen hooar magh ny muleyn ’syn aasagh, myr v’eh goaill kiarail jeh assylyn Zibeon e ayr. 25As cloan Anah v’ad shoh: Dishon, as Aholibamah inneen Anah. 26As ad shoh cloan Dishon; Hemdan, as Eshban, as Ithran, as Cheran. 27Cloan Ezer, ad shoh; Bilhan, as Zaavan, as Achan. 28Cloan Dishan ad shoh; Uz as Aran. 29Shoh ny dukeyn haink jeh ny Horiteyn; duke Lotan, duke Shobal, duke Zibeon, duke Anah. 30Duke Dishon, duke Ezer, duke Dishan: ad shoh ny dukeyn haink jeh Hori, mastey ny dukeyn oc, ayns thalloo Seir.

31As ad shoh ny reeaghyn, va reill ayns cheer Edom, roish my row ree erbee harrish cloan Israel. 32As ren Bela mac Beor reill ayns Edom, as va ennym yn ard-valley echey Dinhabah. 33As hooar Bela baase, as ren Jobab mac Zerah jeh Bosrah reill ’syn ynnyd echey. 34As hooar Jobab baase, as ren Husham jeh cheer Temani, reill ’syn ynnyd echey. 35As hooar Husham baase, as ren Hadad mac Bedad, [woaill Midian ayns magher Voab], reill ’syn ynnyd echey: as va ennym yn ard-valley echey Avith. 36As hooar Hadad baase, as ren Samlah jeh Masrekah reill ’syn ynnyd echey. 37As hooar Samlah baase, as ren Saul jeh Rehoboth liorish yn awin reill ’syn ynnyd echey. 38As hooar Saul baase, as ren Baal-hanan mac Achbor reill ’syn ynnyd echey. 39As hooar Baal-hanan mac Achbor baase, as ren Hadar reill ’syn ynnyd echey: as va ennym yn ard-valley echey Pau; as va ennym yn ven echey Mehetabel, inneen Matred, inneen Mezahab. 40As shoh enmyn ny dukeyn haink jeh Esau, cordail rish ny kynneeyn oc, lurg nyn ynnydyn, liorish nyn enmyn; duke Timnah, duke Alvah, duke Jetheth, 41Duke Aholibamah, duke Elah, duke Pinon, 42Duke Kenaz, duke Teman, duke Mibzar, 43Duke Magdiel, duke Iram: ad shoh dukeyn Edom, cordail rish nyn gummallyn ayns cheer nyn eiraght: shoh Esau ayr ny Edomiteyn.