CAB. XII

1Nish ad shoh reeaghyn ny cheerey, orroo hooar cloan Israel y varriaght, as nyn dhalloo ren ad y ghoaill er cheu elley dy Yordan, lesh irree ny greïney; veih awin Arnon gys cronk Hermon, as ooilley’n strah cheu-har. 2Sihon ree ny Amoriteyn, va cummal ayns Heshbon, e reill va veih Aroer, t’er broogh awin Arnon, as veih mean yn awin, ta shen, lieh Ghilead choud as awin Yabbok, ta cagliagh cloan Ammon; 3As veih’n strah gys faarkey Cinneroth, cheu-har, as gys faarkey’n strah, shen y Faarkey Sailjey cheu-har, raad Veth-jeshimoth; as veih’n jiass, fo Ashdoth-pisgah 4As ard Og ree Vashan, va jeh sluight ny foawir, va goaill ec Ashtaroth, as ec Edrei, 5As va reill ayns cronk Hermon, as ayns Salcah, as ayns ooilley Bashan, gys cagliagh ny Geshuriteyn, as ny Maachathiteyn, as lieh Ghilead, ardjyn Sihon ree Heshbon. 6Ad shoh ren Moses sharvaant y Chiarn as cloan Israel y woalley: as hug Moses sharvaant y Chiarn shoh son eiraght da ny Reubeniteyn, as ny Gaditeyn, as lieh-tribe Vanasseh.

7As shoh reeaghyn y cheer ren Joshua as cloan Israel y woalley er y cheu shoh dy Yordan er y cheu-heear, veih Baal-gad ayns coan Lebanon eer gys ny sleityn caglee, lesh Seir, hug Joshua da tribeyn Israel son eiraght, myr v’ad er nyn rheynn: 8Ayns ny sleityn, as ny coanyn, as ny strahghyn, as ny farraneyn, as ’syn aasagh, as ayns y cheer-jiass; ny Hittiteyn, ny Amoriteyn, as ny Canaaniteyn, ny Perizziteyn, ny Hiviteyn, as ny Jebusiteyn.

9Ree Yericho, unnane; ree Ai, ta liorish Beth-el, unnane; 10Ree Yerusalem, unnane; ree Hebron, unnane; 11Ree Yarmuth, unnane; ree Lachish, unnane; 12Ree Eglon, unnane; ree Ghezer, unnane; 13Ree Debir, unnane; ree Gheder, unnane; 14Ree Hormah, unnane; ree Arad, unnane; 15Ree Libnah, unnane; ree Adullam, unnane; 16Ree Vakkedah, unnane; ree Veth-el, unnane; 17Ree Tappuah, unnane; ree Hepher, unnane; 18Ree Aphek, unnane; ree Lasharon, unnane; 19Ree Vadon, unnane; ree Hazor, unnane; 20Ree Shimron-meron, unnane; ree Achshaph, unnane; 21Ree Taanach, unnane; ree Vegiddo, unnane; 22Ree Kedesh, unnane; Jokneam jeh Carmel, unnane; 23Ree Dor ayns slyst Dor, unnane; ree ashoonyn Ghilgal, unnane; 24Ree Tirzah, unnane; Ooilley ny reeaghyn unnane-jeig as feed.