CAB. XV

1Shoh eisht va cronney tribe cloan Yudah lurg ny kynneeyn oc, gys ardjyn Edom; va faasagh Zin my-yiass yn chagliagh sodjey magh lesh y sheear-ass. 2As va’n chagliagh shiar-ass oc veih oirr yn Aarkey Sailjey, veih’n baïe ta lhie lesh y jiass: 3As hie eh magh my-yiass gys Maaleh-acrabbim, as roie eh er-lhongst gys Zin, as hie eh seose er y cheu jiass gys Kadesh-barnea; goll er y hoshiaght gys Hezron, as seose gys Adar, as ghow eh combaase gys Karkaa: 4Veih shen hie eh lesh Azmon, roshtyn gys awin Egypt; cagleeyn y cheer cheddin va ec yn aarkey. Shoh vees y chagliagh jiass eu. 5As va’n Faarkey Sailjey choud as beeal Yordan yn chagliagh har. As va’n chagliagh twoaie, veih baïe yn aarkey, ec beeal Yordan: 6As va’n chagliagh roie seose gys Beth-hogla, as hie eh veih shen rish cheu-twoaie Beth-arabah; as roie’n chagliagh seose gys clagh-hoit Vohan mac Reuben: 7As hie’n chagliagh seose lesh Debir veih coan Achor, as myr shen my-hwoaie, lesh Gilgal, ta er y raad seose gys Adummim, ta er cheu-jiass yn awin: as hie’n chagliagh lesh ushtaghyn En-shemesh, as ren eh jerrey ec Enrogel: 8As hie’n chagliagh seose rish coan mac Hinnom, gys cheu-jiass y Jebusite; ta shen Jerusalem: as hie eh seose gys mullagh y clieau erskyn coan Hinnom sheear, ta ec kione-twoaie coan ny foawir: 9As va’n chagliagh tayrnit veih mullagh y chronk gys farrane ushtey Nephtoah, as rosh eh gys ard-valjyn cronk Ephron; as va’n chagliagh er ny hayrn gys Baalah, ta Kirjath-jearim: 10As hie’n chagliagh mygeayrt veih Baalah lesh y sheear gys cronk Seir, as veih shen derrey slyst cronk Jearim (ta Chesalon) er y twoaie, as hie eh sheese gys Beth-shemesh, as veih shen gys Timnah: 11As hie’n chagliagh magh my-hwoaie, gys lhiattee Ekron: as va’n chagliagh er ny hayrn gys Shicron, as roie eh jeeragh magh gys cronk Baalah, as hie eh magh gys Jabneel; as va kione sodjey magh y chagliagh ec yn aarkey. 12As va’n chagliagh heear gys coast yn aarkey mooar. Shoh ayrn cloan Yudah ooilley mygeayrt, cordail rish nyn gynneeyn.

13As da Caleb mac Jephunneh hug eh ayrn mastey cloan Yudah, cordail rish sarey’n Chiarn da Joshua, eer ard-valley Arba ayr Anak, ta shen Hebron. 14As deiyr Caleb veih shen three mec Anak, Sheshai, as Ahiman, as Talmai, cloan Anak. 15As hie eh seose veih shen noi cummaltee Debir: as va ennym Debir roish shen Kirjath-sepher.

16As dooyrt Caleb, Eshyn hed noi Kirjath-sepher, as goaill eh, dasyn ver-yms Achsah my inneen son ben. 17As ren Othniel mac Kenaz, braar Caleb, goaill eh: as hug eh da Achsah e inneen son ben. 18As haink eh gy-kione, tra v’eh dy choyrt lesh ee thie, dy ren ee coyrlaghey eh dy hirrey magher er yn ayr eck: as harlheim ee veih e assyl; as dooyrt Caleb ree, Cre ta dty yeearree? 19As dreggyr ish, Cur dou dty vannaght; myr t’ou er choyrt dou thalloo chirrym, cur dou myrgeddin thalloo farraneagh. As hug eh jee ny farraneyn heose as heese. 20Shoh eiraght tribe cloan Yudah rere ny kynneeyn oc. 21As ny baljyn sodjey magh jeh tribe cloan Yudah, my-yiass lesh ardjyn Edom, v’ad Kabzeel, as Eder, as Jagur, 22As Kinah, as Dimonah, as Adadah, 23As Kedesh, as Hazor, as Ithnan. 24Ziph, as Telem, as Bealoth, 25As Hazor, Hadattah, as Kerioth, as Hezron, ta shen Hazor, 26Amam, as Shema, as Moladah, 27As Hazar-gaddah, as Heshmon, as Beth-palet, 28As Hazar-shual, as Beer-sheba, as Bizjothjah, 29Baalah, as Iim, as Azem, 30As Eltolad, as Chesil, as Hormah, 31As Ziklag, as Madmannah, as Sansannah, 32As Lebaoth, as Shilhim, as Ain, as Rimmon: ta ooilley ny baljyn-mooarey nuy as feed, marish nyn maljyn-beggey: 33As ayns y choan, va Eshtaol, as Zoreah, as Ashnah, 34As Zanoah, as En-gannim, Tappuah, as Enam, 35Jarmuth, as Adullam, Socoh, as Azekah, 36As Sharaim, as Adithaim, as Gederah, as Gederothaim; kiare baljyn jeig mooarey, marish nyn maljyn-beggey: 37Zenan, as Hadashah, as Migdal-gad, 38As Dilean, as Mizpeh, as Joktheel, 39Lachish, as Boscath, as Eglon, 40As Cabbon, as Lahmam, as Kithlish, 41As Gederoth, as Beth-dagon, as Naamah, as Makkedah; shey baljyn jeig mooarey, marish nyn maljyn-beggey: 42Libnah, as Ether, as Ashan, 43As Jiphtah, as Ashnah, as Nezib, 44As Keilah, as Achzib, as Mareshah; nuy baljyn-mooarey, marish nyn maljyn-beggey: 45Ekron marish e baljyn, as e baljyn-beggey: 46Veih Ekron eer gys yn aarkey, ooilley ny va er-gerrey da Ashdod, marish ny baljyn-beggey oc: 47Ashdod lesh e baljyn mooar as beg, Gaza as e baljyn mooar as beg, gys awin Egypt, as y faarkey mooar, as y slyst echey:

48As ayns ny sleityn, Shamir, as Jattir, as Socoh, 49As Dannah, as Kirjath-sannah, ta Debir, 50As Anab, as Eshtemoh, as Anim, 51As Goshen, as Holon, as Giloh; un valley jeig, marish nyn maljyn-beggey: 52Arab, as Dumah, as Eshean, 53As Janum, as Beth-tappuah, as Aphekah. 54As Humtah, as Kirjath-arba, (ta shen Hebron,) as Zior; nuy baljyn-mooarey, marish nyn maljyn-beggey: 55Maon, Carmel, as Ziph, as Juttah, 56As Jezreel, as Jokdeam, as Zanoah, 57Cain, Gibeah, as Timnah; jeih baljyn-mooarey, marish nyn maljyn-beggey: 58Halhul, Beth-zur, as Gedor, 59As Maarath, as Beth-anoth, as Eltekon; shey baljyn-mooarey, marish nyn maljyn-beggey. 60Kirjath-baal, (ta Kirjath-jearim,) as Rabbah; daa ard-valley, marish nyn maljyn-beggey: 61Ayns yn aasagh, Beth-arabah, Middin, as Secacah, 62As Nibshan, as yn ard-valley sollanagh, as En-gedi; shey baljyn-mooarey, marish nyn maljyn-beggey. 63Agh er son ny Jebusiteyn, cummaltee Yerusalem, cha yarg cloan Israel ad y eiyrt magh: agh ta ny Jebusiteyn cummal marish cloan Yudah ec Jerusalem, gys y laa jiu.