CAB. XIX

1As haink yn nah lot magh er Simeon, ta shen er tribe cloan Simeon lurg nyn gynneeyn: as va’n eiraght oc cheu-sthie jeh eiraght cloan Yudah. 2As v’oc ayns nyn eiraght, Beer-sheba, as Sheba, as Moladah, 3As Hazar-shual, as Balah, as Azem, 4As Eltolad, as Bethul, as Hormah, 5As Ziklag, as Beth-marcaboth, as Hazar-susah, 6As Beth-lebaoth, as Sharuhen; three ard-valjyn jeig, as nyn maljyn-beggey: 7Ain, Remmon, as Ether, as Ashan; kiare ard-valjyn, as nyn maljyn-beggey: 8As ooilley ny baljyn-beggey va mygeayrt ny ard-valjyn shoh gys Baalath-beer, Ramath ’sy jiass. Shoh eiraght tribe cloan Simeon lurg nyn gynneeyn. 9Ass ayrn cloan Yudah va eiraght cloan Simeon; son va ayrn ro vooar ec cloan Yudah; shen-y-fa va eiraght cloan Simeon er cheu-sthie jeh’n eiraght ocsyn.

10As haink y trass lot magh er cloan Zebulun, cordail rish nyn gynneeyn: as va cagliagh yn eiraght oc derrey Sarid: 11As hie’n chagliagh oc seose lesh y cheayn, as Maralah, as rosh eh gys Dabbasheth, as veih shen gys yn awin ta roish Jokneam; 12As hyndaa eh shiar veih Sarid lesh irree ny greïney, gys cagliagh Chisloth-tabor, as eisht goll magh gys Daberath, as seose gys Japhia, 13As veih shen te goll er y hoshiaght lesh y shiar gys Gittah-hepher, gys Ittah-kazin, as goll magh lesh Remmon-methoar gys Neah: 14As ta’n chagliagh goll mygeayrt er y cheu-twoaie gys Hannathon: as ta’n kione mooie echey ayns coan Jiphthah-el: 15As Kattath, as Nahallal, as Shimron, as Idala, as Beth-lehem: daa ard-valley jeig, marish nyn maljyn-beggey. 16Shoh eiraght cloan Zebulun cordail rish nyn gynneeyn, ny ard-valjyn shoh, marish nyn maljyn-beggey.

17As haink yn chiarroo lot magh er cloan Issachar cordail rish ny kynneeyn oc. 18As roie’n chagliagh ocsyn lesh Jezreel, as Chesulloth, as Shunem, 19As Hapharaim, as Shion, as Anaharath, 20As Rabbith, as Kishion, as Abez, 21As Remeth, as En-gannim, as En-haddah, as Beth-pazzez; 22As ta’n chagliagh roshtyn gys Tabor, as Shahazimah, as Beth-shemesh; as va kione nyn gagliagh ec Jordan: shey ard-valjyn jeig, marish nyn maljyn-beggey. 23Shoh eiraght tribe cloan Issachar cordail rish nyn gynneeyn, ny ard-valjyn, as ny baljyn-beggey.

24As haink yn wheiggoo lot magh son tribe cloan Asher cordail rish nyn gynneeyn. 25As va’n chagliagh ocsyn Helkath, as Hali, as Beten, as Achshaph, 26As Alammelech, as Amad, as Misheal; as roshtyn gys Carmel lesh y sheear, as gys Shihor-libnath; 27As chyndaa lesh y shiar gys Beth-dagon, as roshtyn gys Zebulun, as gys coan Jiphthah-el, lesh y twoaie jeh Veth-emek, as Neiel, as goll magh gys Cabul, er y laue chiare, 28As Hebron, as Rehob, as Hammon, as Kanah, choud as Zidon mooar; 29Eisht ta’n chagliagh chyndaa gys Ramah, as gys ard-valley lajer Tyre; as veih shen gys Hosah; as ta’n kione echey ec y cheayn, veih’n traie gys Achzib: 30Ummah myrgeddin, as Aphek, as Rehob: daa ard-valley as feed marish nyn maljyn-beggey. 31Shoh eiraght tribe cloan Asher cordail rish nyn gynneeyn, ny ard-valjyn shoh, marish nyn maljyn-beggey.

32Haink y cheyoo lot magh son cloan Naphtali, lurg nyn gynneeyn. 33As va’n chagliagh ocsyn veih Heleph, veih Allon gys Zaanannim, as Adami, Nekeb, as Jabneel, derrey Lakum; as va’n kione b’odjey magh jeh ec Jordan; 34As eisht ta’n chagliagh chyndaa sheear gys Aznoth-tabor, as magh veih shen gys Hukkok, as roshtyn gys Zebulun er y cheu jiass, as gys Asher er y cheu-heear, as gys Judah er Jordan lesh y shiar. 35As ny ard-valjyn fencit t’ad Ziddim, Zer, as Hammath, Rakkath, as Cinnereth. 36As Adamah, as Ramah, as Hazor, 37As Kedesh, as Edrei, as En-hazor, 38As Iron, as Migdal-el, Horem, as Beth-anath, as Beth-shemesh; nuy ard-valjyn jeig marish nyn maljyn-beggey. 39Shoh eiraght tribe cloan Naphtali cordail rish nyn gynneeyn, ny ard-valjyn, as nyn maljyn-beggey.

40As haink yn chiaghtoo lot magh son tribe cloan Dan cordail rish nyn gynneeyn. 41As va cagliagh nyn eiraght Zorah, as Eshtaol, as Ir-shemesh, 42As Shaalabbin, as Ajalon, as Jethlah, 43As Elon, as Thimnathah, as Ekron, 44As Eltekeh, as Gibbethon, as Baalath, 45As Jehud, as Bene-berak, as Gath-rimmon, 46As Me-jarkon, as Rakkon, as y slyst jeeragh er Japho. 47As va cagliagh cloan Dan ro choon er nyn son: shen-y-fa hie cloan Dan seose dy chaggey noi Leshem, as ghow ad eh, as woaill ad eh lesh foyr y chliwe, as ghow ad possession jeh, as chum ad ayn, as Leshem denmys ad Dan, lurg ennym Dan nyn shenn-ayr. 48Shoh eiraght tribe cloan Dan cordail rish nyn gynneeyn, ny ard-valjyn shoh, marish nyn maljyn-beggey. 49Erreish daue v’er rheynn y cheer son eiraght da ny tribeyn, hug cloan Israel eiraght da Joshua mac Nun ny mast ’oc: 50Cordail rish raa’n Chiarn, hug ad da yn ard-valley v’eh er yeearree, eer Timnath-serah ayns cronk Ephraim: as hrog eh yn ard-valley, as chum eh ayn. 51Shoh ny eiraghtyn ren Eleazar y saggyrt, as Joshua mac Nun, as ard-reiltee tribeyn cloan Israel, y rheynn liorish lottyn son eiraght ayns Shiloh kiongoyrt rish y Chiarn, ec dorrys y chabbane-agglish: as shoh myr rheynn ad y cheer.