CAB. X

1Nish shoh adsyn ren sealal, Nehemiah yn Tirshatha, mac Hachaliah, as Zidkijah, 2Seraiah, Azariah, Jeremiah, 3Pashur, Amariah, Malchijah, 4Hattush, Shebaniah, Malluch, 5Harim, Meremoth, Obadiah, 6Daniel, Ginnethon, Baruch, 7Meshullam, Abijah, Mijamin, 8Maaziah, Bilgai, Shemaiah; ad shoh va ny saggyrtyn. 9As ny Leviteyn; chammah Jeshua mac Azaniah, Binnui jeh mec Henadad, Kadmiel; 10As nyn mraaraghyn, Shebaniah, Hodijah, Kelita, Pelaiah, Hanan, 11Micha, Rehob, Hashabiah, 12Zaccur, Sherebiah, Shebaniah, 13Hodijah, Bani, Beninu. 14Reiltee yn pobble; Parosh, Pahath-moab, Elam, Zatthu, Bani, 15Bunni, Azgad, Bebai, 16Adonijah, Bigvai, Adin, 17Ater, Hizkijah, Azzur, 18Hodijah, Hashum, Bezai, 19Hariph, Anathoth, Nebai, 20Magpiash, Meshullam, Hezir, 21Meshezabeel, Zadok, Jaddua. 22Pelatiah, Hanan, Anaiah, 23Hoshea, Hananiah, Hashub, 24Hallohesh, Pileha, Shobek, 25Rehum, Hashabnah, Maaseiah, 26As Ahijah, Hanan, Anan, 27Malluch, Harim, Baanah.

28As y chooid elley jeh’n pobble, ny saggyrtyn, ny Leviteyn, porteryn ny giattyn, ny fir-chiaullee, ny Nethinimee, as adsyn ooilley v’er scarrey ad-hene veih pobble ny ashoonee, dy reayll leigh Yee, ny mraane, ny mec, as ny inneenyn oc, dy chooilley unnane v’er jeet gys keeayll as tushtey: 29Lhiann ad shoh gys nyn mraaraghyn, ny ard-gheiney, as chiangle ad ad-hene fo mollaght as breearrey, dy immeeaght ayns leigh Yee, v’er ny livrey liorish Moses, sharvaant Yee, as dy chur tastey, as dy chooilleeney ooilley annaghyn y Chiarn, yn Chiarn ainyn, as e vriwnyssyn, as e lattyssyn: 30As nagh jinnagh shin ny inneenyn ainyn y choyrt da deiney ny ashoonee, ny goaill ny inneenyn ocsyn, da ny mec ainyn. 31As my yinnagh veg jeh pobble y cheer shen lhieu cooid, ny beaghey erbee er y doonaght dy chreck, nagh gionnagh shin eh er y doonaght, ny er laa feailley, as dy lhiggagh shin fea da’n thalloo yn chiaghtoo vleïn, as lhiggey sheese feeaghyn ny boghtyn. 32Ren shin myrgeddin oardaghyn dooin hene, myr keesh orrin dy eeck dagh bleïn yn trass ayrn jeh shekel, cour shirveish thie yn Jee ain, 33Son yn arran casherick, son yn oural-arran, as yn oural-losht, son ny dooneeyn, ny eaystyn-noa, son ny feaillaghyn pointit, as son ny nheeghyn casherick, son ourallyn-peccah, dy yannoo lhiasaghey son Israel, as cour slane obbyr thie Yee. 34As hilg shin lottyn mastey ny saggyrtyn, ny Leviteyn, as y pobble, son oural-fuygh, dy chur lesh eh gys thie yn Jee ain, rere lught-thie nyn ayraghyn, ec ny imbaghyn cooie, bleïn lurg bleïn, dy lostey er altar yn Chiarn yn Jee ain, myr te scruit ’sy leigh: 35As dy chur lhien yn chied-vess jeh’n thalloo ain, as y chied-vess jeh mess dy chooilley villey, bleïn lurg bleïn, gys thie’n Chiarn. 36Myrgeddin yn chied-ruggit jeh ny mec, as jeh’n ollagh ain, myr te scruit ’sy leigh, as y chied ingan jeh ny shioltaneyn as ny shellooyn ain, dy chur lhien gys thie yn Jee ain, gys ny saggyrtyn, ta shirveish ayns thie yn Jee ain: 37As dy jinnagh shin lhien yn toshiaght jeh’n theayst, as ny chebballyn ain, as mess dy chooilley horch dy viljyn, dy feeyn, as dy ooil, gys ny saggyrtyn, gys shamyryn thie yn Jee ain, as jagheenyn y thalloo ain gys ny Leviteyn, dy voddagh ny jagheenyn ve ec ny Leviteyn cheddin ayns ooilley baljyn nyn farrysthie. 38As bee yn saggyrt mac Aaron marish ny Leviteyn; tra ta ny Leviteyn goaill jaghee; as ver ny saggyrtyn lhieu seose yn jeihoo ayrn jeh ny jagheenyn gys thie yn Jee ain, gys ny shamyryn, gys y thie-tashtee. 39Son ver cloan Israel, as cloan Levi lhieu yn chebbal-arroo jeh’n feeyn noa, as jeh’n ooil gys ny shamyryn, raad ta siyn yn ynnyd casherick, as ny saggyrtyn ta shirveish, porteryn ny giattyn, as ny fir-chiaullee, as cha jean mayd treigeil thie yn Jee ain.