CAB. XI

1As va fir-reill y pobble cummal ayns Jerusalem: hilg yn chooid elley jeh’n pobble lottyn, dy chur lhieu dy chooilley yeihoo ghooinney dy vaghey ayns Jerusalem yn ard-valley casherick, as nuy ayrnyn dy vaghey ayns ny ard-valjyn elley. 2As vannee yn pobble ooilley ny deiney, heb ad-hene dy arryltagh, dy chummal ayns Jerusalem.

3Nish ad shoh ard-gheiney yn rheam, va cummal ayns Jerusalem: agh ayns ard-valjyn Yudah, va dagh unnane ayns e chummal ayns ny ard-valjyn oc; ta shen, Israel, ny saggyrtyn, as ny Leviteyn, as ny Nethinimee, as cloan fir-oik Solomon. 4As va cummal ec Jerusalem paart jeh cloan Yudah, as jeh cloan Venjamin: jeh cloan Yudah; Athaiah mac Uzziah, mac Zechariah, mac Amariah, mac Shephatiah, mac Mahalaleel, jeh cloan Pherez; 5As Maaseiah, mac Baruch, mac Col-hozeh, mac Hazaiah, mac Adaiah, mac Joiarib, mac Zechariah, mac Shiloni. 6As va ooilley mec Pherez, va cummal ec Jerusalem, kiare cheead three-feed as hoght dy gheiney dunnal. 7As ad shoh mec Venjamin; Sallu mac Meshullam, mac Joed, mac Pedaiah, mac Kolaiah, mac Maaseiah, mac Ithiel, mac Yesaiah. 8As ny lurg-syn Gabbai, Sallai, nuy cheead as hoght as feed. 9As va Joel mac Zichri soit harrystoo; as Judah mac Senuah va’n nah er-oik harrish yn ard-valley. 10Jeh ny saggyrtyn: Jedaiah mac Joiarib, Jachin. 11Seraiah, mac Hilkiah, mac Meshullam, mac Zadok, mac Meraioth, mac Ahitub, va ny er-reill harrish thie Yee. 12As va nyn mraaraghyn va mysh obbyr y thie, hoght cheead as jees as feed: as Adaiah mac Yeroham, mac Pelaliah, mac Amzi, mac Zechariah, mac Pashur, mac Malchiah, 13As e vraaraghyn, ard-gheiney ny ayraghyn, daa cheead as jees as da-eed: as Amashai, mac Azareel, mac Ahasai, mac Meshillemoth, mac Immer, 14As nyn mraaraghyn deiney dunnal caggee, shey-feed as hoght: as va Zabdiel, mac fer jeh ny ard-gheiney soit harrystoo. 15Myrgeddin jeh ny Leviteyn: Shemaiah, mac Hashub, mac Azrikam, mac Hashabiah, mac Bunni. 16As va ec Shabbethai, as Jozabad ny ard Leviteyn yn currym harrish obbyr mooie thie Yee. 17As Mattaniah, mac Vicha, mac Zabdi, mac Asaph, va’n ard-er, dy gholl lesh ny arraneyn-moyllee ayns padjer: as Bakbukiah yn nah er mastey e vraaraghyn, as Abda, mac Shammua, mac Galal, mac Yeduthun. 18Va ooilley ny Leviteyn, ’syn ard-valley casherick, daa cheead kiare-feed as kiare. 19Ny-sodjey, va porteryn ny giattyn Akkub, Talmon as e vraaraghyn hoght-feed as ghaa-yeig.

20As va’n chooid elley jeh Israel, jeh ny saggyrtyn, as ny Leviteyn, ayns ooilley ard-valjyn Yudah, dagh unnane ayns e eiraght. 21Agh va ny Nethinimee cummal ayns Ophel: as va Ziha as Gispa harrish ny Nethinimee. 22Va eshyn myrgeddin, va harrish ny Leviteyn ec Jerusalem, Uzzi, mac Bani, mac Hashabiah, mac Vattaniah, mac Vicha: jeh mec Asaph, va ny fir-chiaullee dy ghoaill kiarail jeh thie Yee. 23Son ve sarey’n ree mychione oc, dy beagh lowance kinjagh son ny fir-chiaullee, cour dagh laa. 24As va Pethahiah mac Meshezabeel jeh cloan Zerah, mac Yudah, ec laue yn ree, ayns dy chooilley chooish mychione y pobble, 25As mychione ny baljyn-cheerey, as ny magheryn oc, ren paart jeh cloan Yudah cummal ec Kirjath-arba as e baljyn; as ec Dibon as e baljyn, as ec Jekabzeel as e baljyn, 26As ec Jeshua, as ec Moladah, as ec Beth-phelet, 27As ec Hazar-shual, as ec Beer-sheba as e baljyn, 28As ec Ziklag, as Mekonah, as nyn maljyn, 29As ec En-rimmon, as ec Zareah, as ec Jarmuth, 30Zanoah, Adullam, as ny baljyn oc, ec Lachish as e magheryn, ec Azekah as e baljyn. As ren ad cummal veih Beer-sheba gys coan Hinnom. 31Ren cloan Venjamin myrgeddin veih Geba, cummal ec Michmash, Aija, as Beth-el, as ayns nyn maljyn, 32As ec Anathoth, Nob Ananiah, 33Hazor, Rama, Gittaim, 34Hadid, Zeboim, Neballat, 35Lod, as Ono, cloan ny fir-cheirdee. 36As va ny Leviteyn er ny rheynn eddyr Judah as Benjamin.