CAB. XII

1Nish ad shoh ny saggyrtyn as ny Leviteyn, hie seose marish Zerubbabel mac Shealtiel, as Jeshua: Seraiah, Jeremiah, Ezra, 2Amariah, Malluch, Hattush, 3Shechaniah, Rehum, Meremoth, 4Iddo, Ginnetho, Abijah, 5Miamin, Madiah, Bilgah, 6Shemaiah, as Joiarib, Jedaiah, 7Sallu, Amok, Hilkiah, Jedaiah: ad shoh va ard-gheiney mastey ny saggyrtyn, as nyn mraaraghyn, ayns laghyn Yeshua. 8Myrgeddin ny Leviteyn: Jeshua, Binnui, Kadmiel, Sherebiah, Judah, as Mattaniah, va harrish y chiaulleeaght dy wooise, eh-hene as e vraaraghyn. 9Myrgeddin Bakbukiah, as Unni nyn mraaraghyn goaill nyn goorse, ayns ny watchyn.

10As hooar Jeshua Joiakim, hooar Joiakim myrgeddin Eliashib, as hooar Eliashib Joiada, 11As hooar Joiada Jonathan, as hooar Jonathan Jaddua. 12As ayns laghyn Joiakim, va saggyrtyn ny ard-ayraghyn: jeh Seraiah va Meraiah: jeh Jeremiah va Hananiah: 13Jeh Ezra va Meshullam: jeh Amariah Jehohanan: 14Jeh Melicu, Jonathan: jeh Shebaniah, Joseph: 15Jeh Harim, Adna: jeh Meraioth, Helkai: 16Jeh Iddo, Zechariah: jeh Ginnethon, Meshullam: 17Jeh Abijah, Zichri: jeh Miniamin mac Moadiah, Piltai: 18Jeh Bilgah, Shammua: jeh Shemaiah, Jehonathan: 19As jeh Joiarib, Mattenai: jeh Jedaiah, Uzzi: 20Jeh Sallai, Kallai: jeh Amok, Eber: 21Jeh Hilkiah, Hashabiah: jeh Jedaiah, Nethaneel.

22Va ny Leviteyn ayns laghyn Eliashib, Joiada, as Johanan, as Jaddua, ny ayraghyn er recort: myrgeddin ny saggyrtyn, gys reill Darius y Persian. 23Va ard-ayraghyn, mec Levi, scruit ayns lioar ny traaghyn, eer gys laghyn Yohanan, mac Eliashib. 24As ny ard Leviteyn: Hashabiah, Sherebiah, as Jeshua mac Kadmiel, marish nyn mraaraghyn, fer lurg fer, dy choyrt moylley as booise ayns nyn goorseyn, cordail rish oardagh Ghavid yn dooinney dy Yee. 25Mattaniah, as Bakbukiah, Obadiah, Meshullam, Talmon, Akkub, va ny porteryn freayll arrey ec ny giattyn. 26V’ad shoh ayns lhing Yoiakim, mac Yeshua, mac Yozadak, as ayns lhing Nehemiah yn kiannoort, as Ezra yn saggyrt, yn scrudeyr.

27As ry-hoi casherickey, voalley Yerusalem, hug ad fys er ny Leviteyn, dy heet veih ooilley nyn gummallyn gys Jerusalem, dy reayll yn feailley dy chasherickys lesh gennallys, chammah lesh toyrt-booise, as lesh jannoo bingys lesh ny cymballyn, psaltereeyn, as claasaghyn. 28As haggil mec ny fir-chiaullee ad-hene cooidjagh, chammah ass y cheer mygeayrt Jerusalem, as veih baljyn-cheerey Netophathi. 29Myrgeddin, veih thie Gilgal, as veih magheryn Geba, as Azmaveth: son va ny fir-chiaullee er hroggal daue hene baljyn-cheerey mygeayrt Jerusalem. 30As ren ny saggyrtyn as ny Leviteyn casherickey ad-hene, as y pobble, as ny giattyn, as y voalley. 31Eisht hug mee lhiam seose princeyn Yudah er y voalley, as phoint mee daa heshaght vooar dy choyrt booise, yn derrey ayrn jeu hie gys y laue yesh er y voalley, lesh giat yn eoylley: 32As mâroosyn hie Hoshaiah, as lieh jeh princeyn Yudah, 33As Azariah, Ezra, as Meshullam, 34Judah, as Benjamin, as Shemaiah, as Jeremiah, 35As sheshaght jeh mec ny saggyrtyn lesh trumpetyn: v’ad shoh, Zechariah mac Yonathan, mac Shemaiah, mac Vattaniah, mac Vicaiah, mac Zaccur, mac Asaph: 36As e vraaraghyn, Shemaiah, as Azarael, Milalai, Gilalai, Maai, Nethaneel, as Judah, Hanani lesh greïnyn-kiaullee Ghavid yn dooinney dy Yee, as Ezra yn scrudeyr rhymboo. 37As ec giat y farrane va er y cheu elley, hie ad seose liorish greeishyn ard-valley Ghavid, gys mullagh y voalley, erskyn thie Ghavid, eer gys giat yn ushtey lesh y shiar. 38As hie yn cheshaght elley va dy choyrt booise er y cheu elley, as mish geiyrt orroo, as y derrey lieh jeh’n pobble er y voalley veih cheu elley jeh toor ny coirraghyn, eer gys y voalley lhean: 39As ny-sodjey seose na giat Ephraim, as erskyn y chenn yiat, as erskyn giat ny eeastee, as toor Hananeel, as toor Veah, eer gys giat ny geyrragh; as hass ad ayns giat y phryssoon. 40Shoh myr hass yn daa heshaght jeusyn hug booise ayns thie Yee, as mish as y derrey lieh jeh thie ny fir-reill mârym: 41As ny saggyrtyn; Eliakim, Maaseiah, Miniamin, Michaiah, Elioenai, Zechariah, as Hananiah lesh trumpetyn: 42As Maaseiah, as Shemaiah, as Eleazar, as Uzzi, as Jehohanan, as Malchijah, as Elam, as Ezer: as hrog ny fir-chiaullee nyn goraa seose dy ard, marish Jezrahiah, va harrystoo. 43Er yn laa shen myrgeddin heb ad ymmodee ourallyn mooarey, as ghow ad boggey; son va Jee er gherjaghey nyn greeaghyn lesh ard-voggey; va boggey myrgeddin er ny mraane as y chloan: myr shen dy row kiaull gerjoil Yerusalem er ny chlashtyn, foddey as gerrit.

44Ec y traa shen, va paart pointit harrish ny shamyryn, son ny tashtaghyn, son ny chebballyn, son ny chied-vessyn, as son ny jagheenyn, dy haglym stiagh ayndoo ass magheryn ny ard-valjyn, ny keeshyn cordail rish y leigh, da ny saggyrtyn as Leviteyn: son ghow Judah boggey jeh ny saggyrtyn as Leviteyn ny shirveishee. 45As ren chammah ny fir-chiaullee, as ny porteryn freayll currym y Jee oc, as y currym dy chummal seose casherickys y chiamble, cordail rish oardagh Ghavid, as Solomon e vac. 46Son ayns laghyn Ghavid as Asaph ’sy chenn earish, va mainshtyryn harrish ny fir-chiaullee, ayns ny arraneyn oc dy voylley as toyrt-booise gys Jee. 47As hug ooilley Israel ayns laghyn Zerubbabel, as ayns laghyn Nehemiah nyn lowance da ny fir-chiaullee, as da porteryn ny giattyn cour y laa, as hrog ad ny keeshyn casherick da ny Leviteyn, as hug ny Leviteyn ad dy lhiattee son cloan Aaron.