CAB. VII

1Nish haink eh gy-kione, erreish da’n voalley ve troggit, as dy row mee er hoiaghey seose ny dorryssyn, as er phointeil porteryn, as fir-chiaullee, as Leviteyn, 2Dy dug mee da my vraar Hanani, as Hananiah kiannoort y phlaase, yn currym harrish Jerusalem: (son v’eh ny ghooinney ynrick, as ayns aggle Yee erskyn ymmodee). 3As dooyrt mee roo, Ny lhig da giattyn Yerusalem ve foshlit derrey hroggys y ghrian; as ayns yn enish ocsyn, lhig da ny dorryssyn ve dooint, as boltit, as lhig daue soiaghey arreyderyn jeh cummaltee Yerusalem, dagh dooinney ayns e watch hene, as dagh dooinney roish e chummal hene. 4Nish va’n ard-valley lhean as mooar, agh cha row’n pobble agh beggan ayns earroo, as cha row ny thieyn foast slane troggit. 5As hug my Yee eh ayns my chree, dy haglym cooidjagh ny ard-gheiney, as ny fir-reill, as y pobble, dy ghoaill yn earroo oc, rere nyn gynneeyn: as hooar mee lioar ny kynneeyn ocsyn, haink seose ec y toshiaght, as hooar mee scruit ayn, 6Shoh cloan y rheam haink reesht veih’n chappeeys, jeusyn va goit ersooyl, va Nebuchadnezzar ree Vabylon er choyrt lesh ersooyl, as haink reesht gys Jerusalem as Judah, dagh unnane gys e ard-valley hene; 7Haink marish Zerubbabel: Jeshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum, Baanah; shoh va earroo ny deiney jeh pobble Israel; 8Cloan Pharosh, daa housane hoght-feed as ghaa-yeig. 9Cloan Shephatiah, hoght-feed as ghaa-yeig. 10Cloan Arah, shey cheead ghaa-yeig as da-eed. 11Cloan Pahath-moab, jeh cloan Yeshua, as Yoab, daa housane hoght cheead as hoght-jeig. 12Cloan Elam, thousane daa cheead kiare-jeig as da-eed. 13Cloan Zattu, hoght cheead queig as da-eed. 14Cloan Zaccai, shiaght cheead as three-feed. 15Cloan Binnui, shey cheead hoght as da-eed. 16Cloan Bebai shey cheead as hoght as feed. 17Cloan Azgad, daa housane three cheead as jees as feed. 18Cloan Adonikam, shey cheead three-feed as shiaght. 19Cloan Bigvai, daa housane three-feed as shiaght. 20Cloan Adin, shey cheead queig-jeig as da-eed. 21Cloan Ater jeh Hezekiah, kiare-feed as hoght-jeig. 22Cloan Hashum, three cheead as hoght as feed. 23Cloan Bezai, three cheead as kiare as feed. 24Cloan Hariph, keead as ghaa-yeig. 25Cloan Ghibeon, kiare-feed as queig-jeig. 26Deiney Veth-lehem as Netophah, keead kiare-feed as hoght. 27Deiney Anathoth, shey-feed as hoght. 28Deiney Veth-azmaveth, jees as da-eed. 29Deiney Kirjath-jearim, Chephirah, as Beeroth, shiaght cheead as three as da-eed. 30Deiney Ramah, as Gaba, shey cheead as unnane as feed. 31Deiney Michmas, shey-feed as jees. 32Deiney Veth-el, as Ai, shey-feed as three. 33Deiney Nebo elley, ghaa-yeig as da-eed. 34Cloan Elam elley, thousane daa cheead as kiare-jeig as da-eed. 35Cloan Harim, three cheead as feed. 36Cloan Yericho, three cheead as queig as da-eed. 37Cloan Lod, Hadid as Ono, shiaght cheead as unnane as feed. 38Cloan Senaah, three thousaneyn nuy cheead as jeih as feed.

39Ny saggyrtyn: cloan Yedaiah jeh thie Yeshua, nuy cheead three-feed as three-jeig. 40Cloan Immer, thousane as ghaa-yeig as da-eed. 41Cloan Pashur, thousane daa cheead as shiaght as da-eed. 42Cloan Harim, thousane as shiaght-jeig.

43Ny Leviteyn: cloan Yeshua, jeh Kadmiel, as jeh cloan Hodevah, three-feed as kiare-jeig.

44Ny fir-chiaullee: cloan Asaph, keead as hoght as da-eed.

45Ny porteryn: cloan Shallum, cloan Ater, cloan Talmon, cloan Akkub, cloan Hatita, cloan Shobai, keead as hoght-jeig as feed.

46Ny Nethinimee: cloan Ziba, cloan Hashupha, cloan Tabbaoth, 47Cloan Keros, cloan Sia, cloan Padon, 48Cloan Lebana, cloan Hagaba, cloan Shalmai, 49Cloan Hanan, cloan Giddel, cloan Gahar, 50Cloan Reaiah, cloan Rezin, cloan Nekoda, 51Cloan Gazzam, cloan Uzza, cloan Phaseah, 52Cloan Besai, cloan Meunim, cloan Nephishesim, 53Cloan Bakbuk, cloan Hakupha, cloan Harhur, 54Cloan Bazlith, cloan Mehida, cloan Harsha, 55Cloan Barkos, cloan Sisera, cloan Tamah, 56Cloan Neziah, cloan Hatipha.

57Cloan fir-oik Solomon: cloan Sotai, cloan Sophereth, cloan Perida, 58Cloan Yaala, cloan Darkon, cloan Giddel, 59Cloan Shephatiah, cloan Hattil, cloan Pochereth jeh Zebaim, cloan Amon. 60Va ooilley ny Nethinimee, as cloan fir-oik Solomon, three cheead as kiare-feed as ghaa-yeig. 61Shoh v’adsyn hie seose myrgeddin veih Tel-melah, Tel-haresha, Cherub, Addon, as Immer, agh cha voddagh ad prowal gys thie nyn ayrey, ny gys nyn gynney, dy row ad jeh Israel. 62Cloan Delaiah, cloan Tobiah, cloan Nekoda, shey cheead as jees as da-eed.

63As jeh ny saggyrtyn: cloan Habaiah, cloan Koz, cloan Barzillai, phoose unnane jeh inneenyn Barzillai yn Gileadite, as ghow eh yn ennym oc. 64Ronsee ad shoh son lioar ny kynneeyn oc, ny mast’ ocsyn v’er choyrt stiagh nyn enmyn, agh cha row eh ry-gheddyn: er-y-fa shen v’ad er ny scughey veih’n taggyrtys, myr neu-chooie. 65As dooyrt y Tirshatha roo, nagh row eh lowit dauesyn dy ghoaill ayrn ayns ny nheeghyn smoo casherick, derrey hroggagh seose saggyrt lesh Urim as Thummim.

66Va earroo yn slane sheshaght cooidjagh daa housane as da-eed three cheead as three-feed. 67Cheu-mooie jeh ny fir-vooinjerey, as ny sharvaantyn oc, jeu shoh va shiaght thousaneyn, three cheead as shiaght-jeig as feed: as va oc dy gheiney as dy vraane-kiaullee, daa cheead as queig as da-eed. 68Ny cabbil oc shiaght cheead as shey-jeig as feed: ny muleyn daa cheead as queig as da-eed: 69Ny camelyn oc, kiare cheead as queig-jeig as feed: assylyn, shey thousaneyn as shiaght cheead as feed.

70As ren paart jeh ard-gheiney ny kynneeyn stowal cour yn obbyr: hug y Tirshatha gys y stoyr, thousane peesh dy airh, jeih claareeyn as da-eed, queig cheead as jeih as feed dy choamraghyn-saggyrt. 71As hug paart jeh ny ard-ayraghyn, gys stoyr yn obbyr, feed thousane peesh dy airh, as daa housane as daa cheead punt dy argid. 72As hug y chooid elley jeh’n pobble, feed thousane peesh dy airh, as daa housane punt dy argid, as three-feed as shiaght coamraghyn-saggyrt. 73Myr shen, ren ny saggyrtyn as ny Leviteyn, ny porteryn as ny kiaulleyderyn, as mooarane jeh’n pobble, as ny Nethinimee, as ooilley Israel, cummal ayns ny ard-valjyn oc: as ayns y chiaghtoo vee, va cloan Israel cummal ayns nyn ard-valjyn.